கின்னஸ் உலக சாதனைப் புத்தகத்தில் எத்தனையோ மனிதர்கள் பல்வேறு வகையில் சாதனை படைத்துள்ளனர். ஆனால், அந்தப் புத்தகத்தில் மனிதர்கள் மட்டும் தான் இடம் பெறுவது என்றே இல்லை. பல விலங்குகளும் கூட அதில் சாதனைகள் படைத்து ஓர் இடத்தைப் பெற்றுவிட்டன! அப்படி கின்னஸ் உலக சாதனை படைத்த ஓர் பறவை பற்றி நீங்கள் இந்த அறிவு டோஸில் தெரிந்துகொள்ளலாம்.
உலகிலேயே சிறிய பறவை எது என்று உங்களுக்குத் தெரியுமா? 5cm நீளம் மற்றும் 2g நிறையைக் கொண்ட Bee Hummingbird என்று அழைக்கப்படும் ஓர் ஓசனிச்சிட்டு வகை தான் பறவைகளில் மிகச் சிறிதானது ஆகும். வழக்கமாக கியூபா நாட்டில் காணப்படும் இந்தப் பறவை உலகின் மிகச் சிறிய பறவை என்ற உலக சாதனையை படைத்ததும் இல்லாமல், உலகில் மிகச் சிறிய முட்டையை இடும் பறவை என்ற சாதனையையும் படைத்துள்ளது.
அனைத்து ஓசனிச்சிட்டுகள் போன்றும் இந்த Bee Hummingbird முன்னே பறப்பது மட்டும் இல்லாமல், மேலே, கீழே மற்றும் பின்னே பறக்கும் பறவை ஆகும். மேலும் நின்ற நிலையிலேயே மிதக்கும் திறனையும் கொண்டதாகும். அப்படி மிதப்பதற்கு இந்தப் பறவை அதன் இறக்கைகளை ஒரே நொடியில் ஏறத்தாழ 80 தடவைகள் அடிக்க வேண்டும். இப்படி அதிவேகத்தில் அடிக்கும் இறக்கைகளை மனித கண்களால் பார்க்கவே முடியாது.
பொதுவாக இந்தப் பறவை ஒரு பூவில் இருந்து இன்னுமோர் பூவுக்கு மகரந்தத்தை எடுத்துச் செல்கிறது. ஆனால், அதனது சிறிய பரிமாணம் மற்றும் பறக்கும் திறன் காரணமாக இந்த வல்லுநர்கள் ஒரு நாளில் மட்டுமே 1500 பூக்களை தொட்டு விடுகின்றன.
