தேவையான பொருட்கள்:
ரவை - 1 கப்
பச்சை பட்டாணி - 1/2 கப்
வெங்காயம் - 1 (நறுக்கியது)
குடைமிளகாய் - 1 (நறுக்கியது)
கேரட் - 1 (பொடியாக நறுக்கியது)
உப்பு - தேவையான அளவு
எண்ணெய் - 1 டேபிள் ஸ்பூன்
சீரகம் - 1/2 டீஸ்பூன்
தண்ணீர் - 1/2 கப்
சட்னிக்கு...
கொத்தமல்லி - 1/2 கப் (நறுக்கியது)
புதினா - 1/4 கப் (நறுக்கியது)
பச்சை மிளகாய் - 3 (நறுக்கியது)
சீரகம் - 1 டேபிள் ஸ்பூன்
எலுமிச்சை சாறு - 1 டேபிள் ஸ்பூன்
பூண்டு - 4 பற்கள்
சர்க்கரை - 1 டீஸ்பூன்
தண்ணீர் - 1/2 கப்
செய்முறை:
முதலில் மிக்ஸியில் சட்னிக்கு கொடுக்கப்பட்டுள்ள பொருட்கள் அனைத்தையும் சேர்த்து நன்கு மென்மையாக அரைத்து, தனியாக வைத்துக் கொள்ள வேண்டும். பின்பு ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், சீரகம் சேர்த்து தாளித்து, வெங்காயம் போட்டு 3-4 நிமிடம் பொன்னிறமாக வதக்க வேண்டும். அடுத்து பச்சை பட்டாணி, கேரட் மற்றும் குடைமிளகாய் சேர்த்து, 3-4 நிமிடம் வதக்க வேண்டும்.
அடுத்து அதில் அரைத்து வைத்துள்ள சட்னியை சேர்த்து நன்கு கிளறி, உப்பு சேர்த்து தீயை குறைவில் வைத்து, 3-4 நிமிடம் கொதிக்க விட வேண்டும்.
பின் அதில் ரவை மற்றும் தண்ணீர் சேர்த்து கெட்டி சேராதவாறு கிளறி, 2-3 நிமிடம் வேக வைத்து, தண்ணீர் ஓரளவு வற்றியதும் இறக்கினால், சூப்பரான ஹரா பரா உப்புமா ரெடி!!!
