என்னென்ன தேவை?
கம்பு மாவு - 1 கப்,
பச்சைப் பயிறு மாவு - கால் கப்,
பொடியாக நறுக்கிய பேரீச்சம்பழம் - 6,
பொடித்த முந்திரி - 1 டேபிள்ஸ்பூன்,
பொடித்த கருப்பட்டி - அரை கப்,
வறுத்து, பொடித்த எள் - 1 டீஸ்பூன்,
நெய் - 1 டீஸ்பூன்,
பால் - தேவையான அளவு,
உப்பு - 1 சிட்டிகை.
எப்படிச் செய்வது?
வெறும் கடாயில் கம்பு மாவையும், பச்சைப் பயிறு மாவையும் வாசம் வரும் வரை தனித்தனியாக வறுத்து வைக்கவும், இந்த மாவை மிக்ஸியில் போட்டு அத்துடன் பொடித்த கருப்பட்டியை சேர்த்து ஒரு சுற்று சுற்றி எடுக்கவும். நெய்யை சூடாக்கி முந்திரி, பேரீச்சம்பழத்தை வறுத்து மாவில் கொட்டவும். அத்துடன் பொடித்த எள், உப்பு, சேர்த்து பிசறி வைக்கவும். கை பொறுக்கும் சூட்டில் பாலை சூடாக்கி மாவில் கொஞ்சமாக தெளித்து உருண்டை பிடிக்கவும். ஒரு வாரம் வைத்து சாப்பிடலாம். 4 பால் சேர்க்காமல் இன்னும் கொஞ்சம் நெய்விட்டு உருண்டை பிடித்தால் 15 நாள்கள் வரையிலும் கெடாது.
