-
ஜூடோ: ஆண்கள் 90 கிலோ பிரிவில் கொரியா தங்கம் வென்றது
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F08303995-bd8a-46b3-bfb7-155896508121_L_secvpf.gif&hash=58e651c3cfc40a9b3d9f088158b0d32fc7efe3cc)
ஒலிம்பிக் போட்டியில் ஆண்களுக்கான (90 கிலோ எடைப்பிரிவு) ஜூடோ போட்டிகள் நடைபெற்றன. இதில் தங்கப் பதக்கத்துக்கான இறுதிச்சுற்றில் கொரியாவின் நாம்-சாங் டீ-கியூபாவின் ஆஸ்லே கான்சலஸ் ஆகியோர் மோதினர். விறுவிறுப்பாக நடந்த இப்போட்டியில் 0101-0001 என்ற புள்ளிகணக்கில் கொரிய வீரர் வெற்றி பெற்று தங்கம் வென்றார். கியூபா வீரருக்கு வெள்ளி கிடைத்தது. முன்னதாக நடைபெற்ற வெண்கலப் பதக்கத்துக்கான போட்டிகளில் கிரீஸ் வீரர் இலியாதிஸ், ஜப்பான் வீரர் நிஷியாமா ஆகியோர் வெற்றி பெற்றனர்.
இதேபோல் 70 கிலோ எடைப்பிரிவு பெண்களுக்கான ஜூடோ போட்டியும் நடந்தது. இதில் இறுதிப்போட்டியில் பிரான்ஸ் வீராங்கனை டெக்கோசி தங்கப்பதக்கம் வென்றார். இதன்மூலம் பிரான்ஸ் அணி பதக்க பட்டியலில் 4-ம் இடத்திலிருந்து 3ம் இடத்திற்கு முன்னேறியது. ஜெர்மனியின் தியேல் வெள்ளிப் பதக்கமும், கொலம்பியாவின் ஆல்வியர் மற்றும் நெதர்லாந்தின் போஸ்ச் ஆகியோர் வெண்கலப் பதக்கமும் வென்றனர்.
-
டேபிள் டென்னிஸ்: பெண்கள் ஒற்றையர் பிரிவில் தங்கம், வெள்ளி இரண்டையும் சீனா வென்றது
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F1a6dacea-1188-47fd-8891-391e7591aa47_L_secvpf.gif&hash=585e30e70d16abf9e09668a47d80e7fe0d54de4c)
லண்டன் ஒலிம்பிக் போட்டியில் இன்று பெண்களுக்கான ஒற்றையர் டேபிள் டென்னிஸ் போட்டிகள் நடைபெற்றன. மாலையில் வெண்கலப் பதக்கத்துக்கான போட்டியில் சிங்கப்பூர் வீராங்கனை தியான்வெய் பெங்- ஜப்பான் வீராங்கனை கசுமி இஷிகாவா மோதினர். இதில் துவக்கம் முதலே ஆதிக்கம் செலுத்திய சிங்கப்பூர் வீராஙகனை பெங், 4-0 என்ற செட்கணக்கில் எளிதில் வென்று பதக்கத்தை கைப்பற்றினார்.
அதன்பின்னர் நடைபெற்ற தங்கப்பதக்கத்துக்கான போட்டியில், சீன வீராங்கனைகள் ஜியாவோ ஜியா லி-நிங் டிங் ஆகியோர் மோதினர். இருவரும் ஒரே நாட்டைச் சேர்ந்தவர்களாக இருந்தாலும் தங்கத்தை வெல்வது யார்? என்பதில் கடும் போட்டி நிலவியது. இருவரும் சமபலத்துடன் ஆடியதால் ஆட்டம் வெகுநேரம் நீடித்தது.
இப்போட்டியின் முதல் செட்டை எளிதில் கைப்பற்றிய ஜியாவோஜியா லி, 2-வது செட்டை போராடி வென்றார். அதன்பின்னர் சுதாரித்த டிங், 3-வது செட்டை வசமாக்கினார். பின்னர் அடுத்தடுத்து 2 செட்களை ஜியாவோஜியா லி கைப்பற்றினார். இதனால் அவர் 11-8, 14-12, 8-11, 11-6, 11-4 என்ற செட்கணக்கில் வெற்றி பெற்று தங்கம் வென்றார். டிங்கிற்கு வெள்ளிப் பதக்கம் கிடைத்தது.
-
சைக்கிள்: ஆண்கள் தனிநபர் டைம் டிரையல் பிரிவில் பிரிட்டனுக்கு தங்கம், வெண்கலம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F00b870b7-dd63-45a2-a04b-7a6c5d7acaa3_L_secvpf.gif&hash=dcbe8efb3d5cbcf5dbcd6c3a899f4f7e851d6787)
சைக்கிள் போட்டியின் ஆண்கள் தனிநபர் டிரையல் பிரிவில் பதக்கத்திற்கான போட்டி இன்று நடைபெற்றது. இதில் 37 நாட்டு வீரர்கள் கலந்துகொண்டனர். 44 கிலோ மீட்டர் பந்தய தூரத்தை பிரிட்டன் வீரர் பிரட்லே 50 நிமிடம் 39.54 வினாடிகளில் கடந்து தங்கம் பதக்கம் வென்றார்.
ஜெர்மனி வீரர் டோனி மார்ட்டின் 51 நிமிடம் 21.54 வினாடிகளில் கடந்து வெள்ளி பதக்கத்தையும், பிரிட்டன் வீரர் கிறிஸ்டோபர் 51 நிமிடம் 47.87 வினாடிகளில் கடந்து வெண்கல பதக்கம் வென்றார்.
இதே பிரிவில் பெண்களுக்கான போட்டியில் அமெரிக்க வீராங்கனை கிறிஸ்டின் ஆம்ஸ்ட்ராங்க தங்க பதக்கமும், ஜெர்மனி வீராங்கனை ஜுடித் வெள்ளி பதக்கமும், ரஷிய வீராங்கனை ஒல்கா வெண்கல பதக்கமும் வென்றார்.
-
துப்பாக்கி சுடுதல்: பெண்கள 25மீ பிஸ்டல் பிரிவில் கொரியா தங்கம் வென்றது
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F173cd1d1-a39e-4ac3-b93f-3ee67fe2d744_L_secvpf.gif&hash=bf4c8c381deec37d9b8eca5c94e15089b433790c)
ஒலிம்பிக்கில் இன்று பெண்களுக்கான 25 மீட்டர் பிஸ்டல் துப்பாக்கி சுடுதல் போட்டிகள் நடைபெற்றன. இப்போட்டியில் மொத்தம் 39 வீராங்கனைகள் பங்கேற்றன. தகுதிச்சுற்றின் முடிவில் கொரியா, தாய்லாந்து, சீனா, ரஷ்யா, உக்ரைன், ஹங்கேரி, வடகொரியா மற்றும் செர்பிய வீராங்கனைகள் இறுதிப்போட்டிக்கு தகுதிபெற்றனர்.
இறுதிப்போட்டியில் கொரிய வீராங்கனை ஜங்மி கிம் 792.4 புள்ளிகள் பெற்று தங்கப்பதக்கத்தை கைப்பற்றினார். சீனாவின் யிங் சென் 791.4 புள்ளிகள் பெற்று வெள்ளிப் பதக்கத்தையும், உக்ரைன் வீராங்கனை ஒலினா கோஸ்ட்டவிச் 788.6 புள்ளிகள் பெற்று வெண்கலப் பதக்கத்தையும் வென்றனர்.
தகுதிச்சுற்றில் அவர்கள் பெற்ற புள்ளிகளுடன், இறுதிப்போட்டியின்போது பெறும் புள்ளிகளை சேர்த்து கணக்கிடப்படுகிறது. இப்போட்டியில் இந்தியா சார்பில் பங்கேற்ற அன்னுராஜ் சிங், ராகி சர்னோபத் ஆகியோர் தகுதிச்சுற்றிலேயே வெளியேறினர்.
-
லண்டன் ஒலிம்பிக்: காலிறுதிக்கு முன்னேறினார் செரீனா வில்லியம்ஸ்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F0e14bd17-6bbf-45a9-ba81-87e5444cc56e_L_secvpf.gif&hash=26cc89b48e7532822a9420701699eff8ded11197)
லண்டன் ஒலிம்பிக் போட்டியில் இன்று மகளிருக்கான ஒற்றையர் 3-ம் சுற்று ஆட்டங்கள் நடைபெற்றன. இதில் முதல் ஆட்டத்தில் அமெரிக்காவின் செரீனா வில்லியம்ஸ்- ரஷ்யாவின் வேரா ஸ்வனரேவா ஆகியோர் மோதினர்.
காலிறுதிக்கான ஆட்டம் என்பதால் துவக்கம் முதலே செரீனா ஆக்ரோஷமாக ஆடினார். அவரது தாக்குதல் ஆட்டத்தை எதிர்கொள்ள முடியாமல் திணறிய ஸ்வனரேவா, முதல் செட்டை 1-6 என்ற புள்ளிக்கணக்கில் இழந்தார். முதல் செட்டை கைப்பற்றிய உற்சாகத்துடன் ஆடிய செரீனா,2-வது செட்டில் ஒரு புள்ளி கூட விட்டுக்கொடுக்கவில்லை. எனவே 6-0 என அந்த செட்டையும் கைப்பற்றினார்.
இதன்மூலம் 6-1, 6-0 என்ற நேர்செட்களில் வெற்றி வகை சூடிய செரீனா, காலிறுதியை உறுதி செய்தார். இந்த ஒலிம்பிக் போட்டியில் ஒற்றையர் பிரிவில் காலிறுதிக்கு முன்னேறிய முதல் வீராங்கனை செரீனா ஆவார். இதுவரை 3 முறை ஒலிம்பிக் போட்டிகளில் பங்கேற்றுள்ள செரீனா, இரட்டையர் பிரிவில் இரண்டுமுறை தங்கம் வென்றுள்ளார்.
ஆனால் இதுவரை ஒற்றையர் பிரிவில் பதக்கம் வென்றதில்லை. இந்த முறை தங்கம் வெல்லும் ஆர்வத்தில் இருக்கிறார்.
-
துடுப்பு படகு: ஆண்கள் 8 பேர் கொண்ட பிரிவில் ஜெர்மனிக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F084f496b-2291-4fc5-b506-a001012c50e6_L_secvpf.gif&hash=825dc524c169f245881d79116f9d950cdbfa3c05)
துடுப்பு படகு போட்டியில் ஆண்களுக்கான 8 பேர் கொண்ட அணியின் இறுதிப்போட்டி இன்று நடைபெற்றது. இதில் ஜெர்மனி, கனடா, பிரிட்டன், அமெரிக்கா, நெதர்லாந்து, ஆஸ்திரேலிய அணிகள் இறுதிபோட்டிக்கு தகுதி பெற்றன.
இறுதிப்போட்டியின் முடிவில் ஜெர்மனி வீரர்கள் பந்தய தூரத்தை 5 நிமிடங்கள் 48.75 வினாடிகளில் கடந்து தங்க பதக்கம் வென்றனர். கனடா வீரர்கள் 5 நிமிடங்கள் 49.98 வினாடிகளில் கடந்து வெள்ளி பதக்கத்தையும், பிரிட்டன் வீரர்கள் 5 நிமிடங்கள் 51.18 வினாடிகளில் கடந்து வெண்கல பதக்கத்தையும் வென்றனர்.
-
ஒலிம்பிக் போட்டியில் மேட்ச் பிக்சிங்: 8 பேட்மிண்டன் வீராங்கனைகளிடம் விசாரணை
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F3e817fd4-399f-4053-af85-bd44499246c5_L_secvpf.gif&hash=907e8e27d2658f5712cffad1b2947ab024c5c0a1)
உலக சாம்பியன்கள் உள்பட பேட்மிண்டன் வீராங்கனைகள் 8 பேர் சூதாட்ட புகாரில் சிக்கியுள்ளனர். ஒலிம்பிக் போட்டியில் செவ்வாய்க்கிழமை பெண்களுக்கான இரட்டையர் பேட்மிண்டன் குரூப் போட்டிகள் நடைபெற்றன. இதில், உலக சாம்பியனான சீனாவின் வாங் ஜியோலி-யூ யாங் ஜோடி, அவர்களை எதிர்த்து ஆடிய தென்கொரியாவின் ஜங் கியுன்-கிம் ஹா ஆகியோர் மோதினர்.
இந்த வீராங்கனைகள் வெற்றி பெறும் நோக்கில் விளையாடாமல், நெட்டில் பந்தை அடிப்பது, வெளியில் அடிப்பது என வேண்டுமென்றே சில தவறுகளை செய்துள்ளனர். அவர்களை நடுவர் எச்சரித்தும் கேட்கவில்லை. இதனால் கடுப்பாகிப்போன நடுவர் ஒரு கட்டத்தில் கருப்பு அட்டை காட்டி எச்சரித்துள்ளார். இப்போட்டியில் சீனா 14-21, 11-21 என்ற செட்கணக்கில் தோல்வியடைந்தது.
இந்த இரு அணிகளுமே காலிறுதிக்கு முந்தைய சுற்றுக்கு தகுதி பெற்றிருந்தனர். இருப்பினும் சீன அணியினர், இறுதிப் போட்டி வரையில் தங்கள் நாட்டின் 2ம் தரநிலை ஜோடியை இறுதி வரை சந்திக்காமல் இருப்பதற்காக வேண்டுமென்றே விட்டுக்கொடுத்து ஆடியுள்ளனர்.
இதேபோன்று கொரிய அணியும் தவறுகளை செய்துள்ளது. சீன வீராங்கனைகள் சரியாக ஆடியருந்தால் இதுபோன்று நடந்திருக்காது என்று தென்கொரிய பயிற்சியாளர் கூறினார். அதேபோல் தங்கள் அணி வீராங்கனைகளும் கொரிய ஜோடியை சந்திக்க விரும்பாமல் இவ்வாறு நடந்துகொண்டதாக கூறினார்.
இதேபோல் தென்கொரியாவின் ஹா ஜங்-யென், கிம் மின் ஜங் மற்றும் இந்தோனேசியாவின் மெலியானா ஜூகாரி-கிரேசியா போலி ஆகியோர் மோதிய ஆட்டத்திலும் இந்த பிரச்சினை இருந்தது. இரு அணிகளையும் நடுவர் எச்சரித்துள்ளார். இதில் கொரிய அணி வெற்றி பெற்றது. இந்த இரு போட்டிகளிலும் நடந்த மேட்ச்-பிக்சிங் குறித்து விசாரணை நடத்த சர்வதேச ஒலிம்பிக் சங்கம் அனுமதியின்பேரில், சர்வதேச பேட்மிண்டன் கூட்டமைப்பு உத்தரவிட்டது.
இதையடுத்து சம்பந்தப்பட்ட வீராங்கனைகளிடம் இன்று ஒழுங்குமுறை குழு விசாரணை நடத்தியது. சீனா, தென்கொரியா மற்றும் இந்தோனேசியா அணி வீராங்கனைகள் வெற்றி பெறும் வகையில் முனைப்புடன் ஆடவில்லை என்றும், எதிரணியை வெற்றிபெறச் செய்வதற்காக வேண்டுமென்றே விட்டுக்கொடுத்ததாகவும் அவர்கள் மீது புகார் உள்ளதாக பேட்மிண்டன் கூட்டமைப்பு தெரிவித்துள்ளது. இதற்கிடையே மேட்ச் பிக்சிங் தொடர்பாக சீன வீராங்கனைகளிடம் விசாரணை நடத்த அந்நாட்டு அரசு உத்தரவிட்டுள்ளது.
-
துடுப்பு படகு: பெண்கள் அணி பிரிவில் உக்ரைனுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fa9a19c8e-656f-4dde-b9f3-805b7a5eb227_L_secvpf.gif&hash=d26abe70b0a660bc43af2fb8351b9e1a320f8220)
துடுப்பு படகு போட்டியின் பெண்கள் அணி (4 பேர்)க்கான இறுதிபோட்டி இன்று மதியம் இடோன் டார்னியில் நடைபெற்றது. இதில் உக்ரைன், ஜெர்மனி, அமெரிக்கா, ஆஸ்திரேலியா, சீனா, பிரிட்டன் ஆகிய 6 அணிகள் இறுதிச் சுற்றுக்கு தகுதி பெற்றன.
இறுதி போட்டியில் உக்ரைன் வெற்றி பெற்று தங்கம் பதக்கம் வென்றது. உக்ரைன் வீராங்கனைகள் 6 நிமிடம் 35.93 வினாடிகளில் பந்தய தூரத்தை கடந்து முதல் இடம் பெற்றது. ஜெர்மனி வீராங்கனைகள் 6 நிமிடம் 38.09 வினாடிகளில் பந்தய தூரத்தை கடந்து வெள்ளி பதக்கத்தையும், அமெரிக்க வீராங்கனைகள் 6 நிமிடம் 40.63 வினாடிகளில் பந்தய தூரத்தை கடந்து வெண்கல பதக்கத்தையும் வென்றனர்.
-
துடுப்பு படகு: பெண்கள் இரட்டையர் பிரிவில் பிரிட்டனுக்கு முதல் தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F8a78f9bf-4eb7-484f-83d4-d13364edd80c_L_secvpf.gif&hash=b4106a16a6331621a244668a292d8053ced8a94e)
துடுப்பு படகு பெண்களுக்கான இரட்டையர் பிரிவு இறுதிப்போட்டி இன்று மதியம் நடைபெற்றது. இதில் போட்டியை நடத்தும் பிரிட்டன் வீராங்கனைகள் தங்கம் வென்றனர். லண்டன் ஒலிம்பிக்கில் பிரிட்டன் பெறும் முதல் தங்க பதக்கம் இதுவாகும்.
கடந்த 28-ந்தேதி தொடங்கிய இப்போட்டியில் இறுதிச் சுற்றுக்கு பிரிட்டன், ஆஸ்திரேலியா, நியூசிலாந்து, அமெரிக்கா, ரொமேனியா, ஜெர்மனி ஆகிய 6 நாடுகள் தகுதிப்பெற்றன.
போட்டியின் முடிவில் 7 நிமிடம் 27.13 வினாடிகளில் பந்தய தூரத்தைக் கடந்து பிரிட்டன் தங்கம் வென்றது. ஆஸ்திரேலியா 7 நிமிடம் 29.86 வினாடிகளில் கடந்து வெள்ளி பதக்கத்தையும், நியூசிலாந்து 7 நிமிடங்கள் 30.19 வினாடிகளில் கடந்து வெண்கல பதக்கத்தையும் வென்றது.
-
ஒலிம்பிக் நீச்சல் போட்டி: சீன இளம் வீராங்கனை மீது ஊக்க மருந்து புகார்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F281d8975-117b-4bba-a015-caacc06b685f_L_secvpf.gif&hash=860bad8e552cf7e7cf35195577f89c96586a4307)
லண்டன் ஒலிம்பிக்கில் பல்வேறு பிரிவுகளில் நீச்சல் போட்டி நடைபெற்று வருகின்றன. இதில் 200 மீட்டர், 400 மீட்டர் ஆகிய மெட்லே போட்டிகளில் சீனாவை சேர்ந்த யீ ஷிவான் தங்கம் வென்றார். அதில் யீ ஷிவான் மிக வேகமாக இறுதி தூரத்தை கடந்து முதலிடம் பிடித்தார்.
அதேபோல் 400 மீட்டர் மெட்லே போட்டியில் 2 நிமிடங்கள் 7.57 விநாடிகளில் நீந்தி வெற்றி பெற்றார். இது அவரது தனிநபர் சாதனை அளவை விட அதிகமாகும். முதல் போட்டியின் முடிவிலேயே அவர் ஊக்க மருந்து பரிசோதனைக்கு உட்படுத்தப்பட்டார்.
அதன் முடிவு வெளிவரும் முன் அவர் 400 மீட்டர் போட்டியிலும் கலந்து கொண்டு முதலிடம் பெற்றார். பரிசோதனையின் முடிவு வெளியானதும் அதற்கான நடவடிக்கை எடுக்கப்படும் என தகவல்கள் தெரிவிக்கின்றன.
எனினும், 16 வயதேயான இந்த இளம் வீராங்கனையின் இந்த சாதனைக்கு அவரது வயதும் ஒரு காரணமாக இருக்கலாம் என்று சில வல்லுநர்கள் கருத்து தெரிவிக்கின்றனர்.
-
ஒலிம்பிக்: பெண்கள் 100 மீட்டர் பிரீஸ்டைல் நீச்சலில் நெதர்லாந்து வீராங்கனைக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fca96fd4a-d74b-4a2c-a635-a0f8477aa801_L_secvpf.gif&hash=aa97ab3c9dfa5fe78002333e6c0a9ba3c7cd9284)
லண்டன் ஒலிம்பிக்கின் பெண்களுக்கான 100 மீட்டர் பிரீஸ்டைல் நீச்சல் போட்டியில் நெதர்லாந்து வீராங்கனை ரனோமி குரோமோவிட்ஜோஜோ தங்கப்பதக்கம் வென்றார்.
இப்போட்டியில் பெலாரஸ் நாட்டு வீராங்கனையான அலியாக்சண்ட்ரா ஹெராசிமெனியா வெள்ளிப்பதக்கம் வென்றார். மேலும் சீனாவின் யி டாங் வெண்கலப்பதக்கம் வென்றார்.
-
ஒலிம்பிக்: பெண்கள் 200 மீட்டர் பிரஸ்ட்ஸ்ரோக் நீச்சலிலும் அமெரிக்காவுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fce8a1e95-bbc2-4ecd-a0bc-b30698284a1b_L_secvpf.gif&hash=6a44e5b9529560a658219c8086f0530b72a9a3b8)
லண்டன் ஒலிம்பிக்கின் நீச்சல் போட்டிகளில் அமெரிக்க வீரர்களுக்கு இணையாக அந்நாட்டு வீராங்கனைகளும் பதக்கங்களைக் குவித்து வருகின்றனர்.
இதில் நேற்று நடந்த பெண்களுக்கான 200 மீட்டர் பிரஸ்ட்ஸ்ரோக் நீச்சல் போட்டியில் அமெரிக்க வீராங்கனை ரெபேக்கா சோனி தங்கப்பதக்கம் வென்றார்.
இப்போட்டியில் ஜப்பானின் சடோமி சுசுகி வெள்ளிப்பதக்கமும், ரஷ்ய வீராங்கனை லுலியா எபிமோவா வெண்கலப்பதக்கமும் வென்றனர்.
-
ஒலிம்பிக்: ஆண்கள் 200 மீட்டர் பேக்ஸ்ட்ரோக் நீச்சலில் அமெரிக்காவுக்கு தங்கம் மற்றும் வெண்கலம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F24045e45-82da-4f6b-a326-295ee79b920d_L_secvpf.gif&hash=75c8f9d8ef3fc50dd3ae549d9e38eea841aec1b2)
லண்டன் ஒலிம்பிக்கில் ஆண்களுக்கான 200 மீட்டர் பேக்ஸ்ட்ரோக் நீச்சல் போட்டியில் தங்கம் மற்றும் வெண்கலப்பதக்கங்களை அமெரிக்க வீரர்கள் வென்றுள்ளனர்.
பேக்ஸ்ட்ரோக் நீச்சல் போட்டியில் அமெரிக்க வீரர் டைலர் கிளாரி தங்கம் வென்றார். இப்பிரிவில் ஜப்பான் வீரரான ரையோசுகி வெள்ளிப்பதக்கம் வென்றார். மற்றொரு அமெரிக்க வீரரான ரையான் லொச்டெ வெண்கலப்பதக்கம் பெற்றார்.
-
ஒலிம்பிக்: ஆண்கள் 200 மீட்டர் தனிநபர் மெட்லே நீச்சலில் தங்கம் வென்றார் பெல்ப்ஸ்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F4e3e38f9-1761-4f28-b576-a4932bf29440_L_secvpf.gif&hash=ea3dcf959b7014b04a36cd12cfd3f22003b7b024)
லண்டன் ஒலிம்பிக்கின் நீச்சல் போட்டிகளில் அமெரிக்க வீரர்களின் ஆதிக்கம் தொடர்ந்து வருகிறது. அதிலும் குறிப்பாக சாதனை வீரரான மைக்கேல் பெல்ப்ஸ் தொடர்ந்து முத்திரை பதித்து வருகிறார்.
இன்று நடந்த ஆண்களுக்கான 200 மீட்டர் தனிநபர் மெட்லே நீச்சல் போட்டியில் அமெரிக்காவின் மைக்கேல் பெல்ப்ஸ் தங்கப்பதக்கம் வென்றார். பெல்ப்சின் சகநாட்டவரான ரையான் லொச்டே இப்போட்டியில் வெள்ளிப்பதக்கம் வென்றார்.
மேலும் ஹங்கேரி வீரரான லஸ்லோ ஸ்செ வெண்கலம் வென்றார். இன்றைய போட்டியில் தங்கம் வென்றுள்ள பெல்ப்ஸ், இந்த ஒலிம்பிக்கில் வெல்லும் இரண்டாவது தங்கப்பதக்கம் இதுவாகும்.
மூன்றாவது முறையாக ஒலிம்பிக்கில் பங்கேற்றுள்ள பெல்ப்ஸ் வெல்லும் 16-வது தங்கம் இதுவாகும். மேலும் ஒட்டுமொத்தமாக பெல்ப்ஸ் வென்றுள்ள 20-வது பதக்கமாகவும் இது அமைந்துள்ளது.
-
ஒலிம்பிக் சைக்கிள் பந்தயம்: பெண்கள் ஸ்பிரிண்ட் பிரிவில் ஜெர்மனி அணிக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F9a2a55a4-d396-4513-8531-35f05f944335_L_secvpf.gif&hash=0ae60f8d1eee25fcd6f1360a9537aa460be0387b)
ஒலிம்பிக் சைக்கிள் பந்தயத்தின் பெண்கள் அணிகளுக்கிடையேயான ஸ்பிரிண்ட் போட்டிகளில் ஜெர்மனி அணி தங்கம் வென்றுள்ளது.
இப்போட்டியில் கிறிஸ்டினா வோகல், மிரியம் வெல்ட் ஆகியோர் அடங்கிய ஜெர்மனி அணி 32.798 நிமிடங்களில் பந்தய தூரத்தைக் கடந்து அனைவரையும் பிரமிக்க வைத்து தங்கம் வென்றது.
மேலும் ஜின்ஜி காங், ஷுவாங் குவோ ஆகியோர் கொண்ட சீன அணி வெள்ளிப்பதக்கமும், லியுபோவ் ஷுலிகா, ஒலினா சையோஸ் ஆகியோர் அடங்கிய ஆஸ்திரேலிய அணி வெண்கலப்பதக்கமும் வென்றன.
-
ஒலிம்பிக் ஜிம்னாஸ்டிக்: பெண்கள் தனிநபர் ஆல்ரவுண்டில் தங்கம் வென்றார் அமெரிக்க வீராங்கனை
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fc9c9423f-42ca-42fd-88f6-066b773ca7f3_L_secvpf.gif&hash=14d6887ed9baac95a956b98c28cb254268ff7792)
லண்டன் ஒலிம்பிக் ஜிம்னாஸ்டிக்கில் பெண்கள் தனிநபர் ஆல்ரவுண்ட் பிரிவு இறுதிப்போட்டியில் 62.232 புள்ளிகள் ஈட்டிய அமெரிக்க வீராங்கனை கேப்ரியல்லா டக்ளஸ் தங்கப்பதக்கம் வென்றார்.
இப்போட்டியில் வெள்ளி மற்றும் வெண்கலப்பதக்கங்களை ரஷ்ய வீராங்கனைகள் தட்டிச்சென்றனர். ரஷ்யாவின் விக்டோரியா கொமாவா வெள்ளிப்பதக்கமும், அலியா முஸ்டாபினா வெண்கலப்பதக்கமும் வென்றனர்.
-
ஒலிம்பிக் சைக்கிள் பந்தயம்: ஆண்கள் ஸ்பிரிண்ட் பிரிவில் இங்கிலாந்து அணிக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F92cafe17-655c-4ad3-a330-dabfd988f6c1_L_secvpf.gif&hash=66ae82cf81ba2554306d2813519a1101af2b5ff3)
ஒலிம்பிக் சைக்கிள் பந்தயத்தின் ஆண்கள் அணிகளுக்கான ஸ்பிரிண்ட் போட்டிகளில் இங்கிலாந்து ஆண்கள் அணி தங்கம் வென்றுள்ளது.
இப்போட்டியில் பிலிப் ஹிண்ட்ஸ், கிறிஸ் ஹாய், ஜேசன் கென்னி ஆகியோர் அடங்கிய இங்கிலாந்து அணி 42.600 நிமிடங்களில் பந்தய தூரத்தைக் கடந்து அனைவரையும் பிரமிக்க வைத்தது.
மேலும் கிரிகோரி பாக், மைக்கேல் டல்மீடா மற்றும் கெவின் சிரூ ஆகியோர் கொண்ட பிரான்ஸ் அணி வெள்ளிப்பதக்கமும், ரெனி எண்டர்ஸ், ராபர்ட் பார்ஸ்ட்மேன், மேக்சிமிலியன் லெவி ஆகியோர் அடங்கிய ஜெர்மனி அணி வெண்கலப்பதக்கமும் பெற்றன.
-
ஒலிம்பிக் ஜூடோ: பெண்கள் 78 கிலோ எடைப்பிரிவில் அமெரிக்காவுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F444e1759-44ce-4288-aadf-9826afcdef32_L_secvpf.gif&hash=cb12e4eb6aace32179a1dd0ea8125f3293327f89)
லண்டன் ஒலிம்பிக்கின் ஜூடோ போட்டியில் பெண்களுக்கான 78 கிலோ எடைப்பிரிவில், நேற்று நடந்த இறுதிப்போட்டியில் அமெரிக்க வீராங்கனை கெய்லா ஹாரிசன், இங்கிலாந்து வீராங்கனை ஜெம்மா கிப்பன்ஸ் ஆகியோர் மோதினர்.
இப்போட்டியில் ஜெம்மாவை வீழ்த்தி அமெரிக்காவின் கெய்லா ஹாரிசன் தங்கப்பதக்கம் வென்றார். இறுதிப்போட்டியில் தோற்ற இங்கிலாந்து வீராங்கனை ஜெம்மா வெள்ளிப்பதக்கம் பெற்றார்.
இதே பிரிவில் வெண்கலப்பதக்கத்துக்காக நடந்த இரண்டு போட்டிகளில் வென்ற பிரேசிலின் மெயிரா அகுயார், பிரான்சின் சியூமியோ ஆகியோர் வெண்கலம் வென்றனர்.
-
ஒலிம்பிக் வாள்சண்டை: பெண்கள் பாயில் பிரிவில் இத்தாலி அணிக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F378f9df9-7947-49ea-a300-fe335997326a_L_secvpf.gif&hash=d12fb0bc279c5eecf828991c3206accbedba4b87)
லண்டன் ஒலிம்பிக் வாள்சண்டை போட்டியில் பெண்கள் பாயில் பிரிவில் இன்று நடைபெற்ற இறுதிப்போட்டியில் இத்தாலி அணியும், ரஷ்ய அணியும் மோதின.
இப்போட்டியில் சிறப்பாக விளையாடிய இத்தாலிய வீராங்கனைகள் 45-31 என்ற புள்ளிக்கணக்கில், ரஷ்ய வீராங்கனைகளை வீழ்த்தினார்.
இதனால் வெசாலி, எரிக்கோ, பிரான்சிஸ்கா, சால்வடோரி ஆகியோர் அடங்கிய இத்தாலி அணி தங்கப்பதக்கம் பெற்றது. இறுதிப்போட்டியில் தோல்வியடைந்த ரஷ்ய அணி வெள்ளிப்பதக்கம் பெற்றது.
இதே பிரிவில் வெண்கலப்பதக்கத்துக்காக நடந்த போட்டியில் பிரான்ஸ் அணி, தென் கொரியாவுடன் மோதியது. இதில் 45-32 என்ற புள்ளிக்கணக்கில் பிரான்சை வீழ்த்தி, தென்கொரிய அணி வெண்கலப்பதக்கம் வென்றது.
-
ஒலிம்பிக் துடுப்புப்படகு: ஆண்கள் இரட்டையரில் தங்கம் மற்றும் வெள்ளி வென்றது இங்கிலாந்து
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Ff09c3515-da86-4586-bd48-e0d61070d113_L_secvpf.gif&hash=bf748f35813a95c17584101fcc7ce7365e58f004)
லண்டன் ஒலிம்பிக் துடுப்புப்படகு போட்டியில் ஆண்கள் இரட்டையர் பிரிவில் தங்கம் மற்றும் வெள்ளிப்பதக்கங்களை இங்கிலாந்து நாட்டு அணிகள் வென்றன.
நேற்று நடந்த இறுதிப்போட்டியில் இங்கிலாந்தின் டிம் பெய்லி-எடியன் ஸ்டாட் ஜோடி தங்கப்பதக்கம் வென்றது. இதே பிரிவில் பங்கேற்ற மற்றொரு இங்கிலாந்து ஜோடியான டேவிட் பிளாரன்ஸ்-ரிச்சர்ட் ஹவுன்ஸ்லோ ஜோடி வெள்ளிப்பதக்கம் வென்றது.
இந்தப் போட்டியில் சுலோவேகியாவின் பாவல் ஹாக்ஸ்குரோனர்-பீட்டர் ஹாக்ஸ்குரோனர் வெண்கலப்பதக்கம் வென்றது.
-
பேட்மிண்டன்: கலப்பு இரட்டையர் பிரிவில் சீனாவுக்கு தங்கம் மற்றும் வெள்ளி
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F71eab039-db23-4fdd-9de0-1099240d391a_L_secvpf.gif&hash=0b109ff37a8c7c7ce738a24d126884595971ef4e)
பேட்மிண்டன் கலப்பு இரட்டையர் போட்டி கடந்த மாதம் 28-ந்தேதி தொடங்கியது. இன்று இறுதி போட்டி நடைபெற்றது. இறுதி போட்டியில் சீன அணிகளே தங்கம் மற்றும் வெள்ளிக்கான போட்டியில் மோதின.
நன் ஷாங்- யுன்லை ஷாஓ ஜோடி ஜின் மா- சென் ஜு ஜோடியை எதிர்கொண்டது. இதில் நன் ஷாங்- யுன்லை ஷாஓ ஜோடி 21-11, 21-17 என்ற நெர்செட் கணக்கில் வென்று தங்கம் பதக்கம் வென்றது. தோல்வியடைந்த ஜின் மா- சென் ஜு ஜோடி வெள்ளி பதக்கம் வென்றது.
வெண்கலத்துக்கான போட்டியில் டென்மார்க் ஜோடி 21-12, 21-12 என்ற கணக்கில் இந்தோனேசிய ஜோடியை வீழ்த்தி பதக்கம் வென்றது.
-
துடுப்பு படகு: ஆண்கள் ஒற்றையர் மற்றும் இரட்டையர் பிரிவில் நியூசிலாந்துக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F019c3cbf-8d3a-409c-af95-c173dc3cb380_L_secvpf.gif&hash=34af5e3a6c0458d168a94b8341800ba368a6ba5c)
துடுப்பு படகு போட்டியில் ஆண்களுக்கான ஒற்றையர் பிரிவின் இறுதி போட்டி இன்று நடைபெற்றது. ஹீட்ஸ், ரீபேக்கெஜ், கால் இறுதி மற்றும் அரை இறுதி முடிவில் நியூசிலாந்து, செக் குடியரசு, பிரிட்டன், சுவீடன், அசர்பைஜான் மற்றும் ஜெர்மனி ஆகிய நாடுகள் இறுதிப்போட்டிக்கு தகுதிப் பெற்றன.
இறுதிபோட்டியில் நியூசிலாந்து வீரர் மஹே டிரைஸ்டேல் பந்தய தூரத்தை 6 நிமிடம் 57.82 வினாடிகளில் கடந்து தங்க பதக்கம் வென்றார். செக் குடியரசு வீரர் ஆண்ட்ரேஜ் சைனேக் 6 நிமிடம் 59.37 வினாடிகளில் கடந்து வெள்ளி, பிரிட்டன் வீரர் ஆலன் கேம்ப்பெல் 7 நிமிடம் 3.28 வினாடிகளில் கடந்து வெண்கல பதக்கத்தையும் வென்றனர்.
ஆண்கள் இரட்டையர் பிரிவில் நியூசிலாந்து தங்க பதக்கத்தையும், இத்தாலி வெள்ளி மற்றும் சுலோவேனியா வெண்கல பதக்கத்தையும் வென்றது.
பெண்களுக்கான இரட்டையர் பிரிவில் பிரிட்டன் வீராங்கனைகள் தங்க பதக்கத்தையும், ஆஸ்திரேலிய வீராங்கனைகள் வெள்ளி மற்றும் போலந்து வீராங்கனைகள் வெண்கல பதக்கத்தையும் வென்றனர்.
-
துப்பாக்கி சுடுதல் பிரிவில் பெலாரஸ் வீரர் உலக சாதனை: நூலிழையில் பதக்கத்தை இழந்தார் இந்திய வீரர் கர்மாகர்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fffed89e1-e005-4e1a-ae15-d4dd104e1706_L_secvpf.gif&hash=d2e8fe33fd20b2711df18ef315777ee952f204fc)
ஒலிம்பிக் போட்டியில் இன்று ஆண்களுக்கான 50 மீட்டர் ரைபிள் புரோன் துப்பாக்கி சுடுதல் போட்டிகள் நடைபெற்றன. மொத்தம் 50 வீரர்கள் இப்போட்டியின் இறுதிச்சுற்றுக்கு இந்திய வீரர் ஜாய்தீப் கர்மாகர், பெலாரஸ் வீரர் செர்கெய் மார்டினோவ், பெல்ஜியம் வீரர் லயனல் காக்ஸ் உள்ளிட்ட 8 பேர் தகுதி பெற்றனர்.
பதக்கத்துக்கான இறுதிப் போட்டியில் பெலாரஸ் வீரர் மாட்டினோவ் 705.5 புள்ளிகளுடன் தங்கப் பதக்கத்தை வென்றார். அத்துடன் புதிய உலக சாதனையையும் அவர் ஏற்படுத்தினார். பெல்ஜியம் வீரர் காக்ஸ் 701.2 புள்ளிகள் பெற்று வெள்ளிப் பதக்கத்தையும், 701.0 புள்ளிகள் பெற்ற சுலோவேனிய வீரர் டெபவெக் வெண்கலப் பதக்கத்தையும் வென்றார்.
தகுதிச் சுற்றில் சாதனை படைத்த இந்திய வீரர் கர்மாகர், இறுதிச் சுற்றில் மொத்தம் 699.1 புள்ளிகள் பெற்று 4-ம் இடத்தைப் பிடித்தார். 0.9 புள்ளி வித்தியாசத்தில் வெண்கலப் பதக்கத்தை கோட்டைவிட்டார்.
10 மீட்டர் ஏர் ரைபிள் பிரிவில் வெண்கலம் வென்ற மற்றொரு இந்திய வீரர் ககன் நரங், இப்போட்டியில் தகுதிச் சுற்றில் 18-வது இடத்தைப் பிடித்து வெளியேறினார்.
-
பேட்மிண்டன்: கலப்பு இரட்டையர் போட்டியில் டென்மார்க் வெண்கலம் வென்றது
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F706979b6-dd61-4f5c-97d3-2e44353a61d2_L_secvpf.gif&hash=6164c087fa1ef9cb8d60b23e7828e435f19dbd88)
பேட்மிண்டன் போட்டியின் கலப்பு இரட்டையர் பிரிவில் வெண்கலம் மற்றும் தங்கம், வெள்ளிக்கான போட்டி இன்று நடைபெறுகிறது. முதலாவது வெண்கலத்திற்கான போட்டி நடைபெற்றது. இதில் டெர்மார்க் ஜோடி இந்தோனேசியா ஜோடியை எதிர்கொண்டது.
3 செட்களை கொண்ட போட்டியின் முதல் செட்டை 21-12 என்ற கணக்கில் டென்மார்க் ஜோடி வென்றது. இரணடாவது செட்டையும் 21-12 வென்று (2-0) டென்மார்க் ஜோடி வெண்கல பதக்கத்தை வென்றது. தங்கம் மற்றும் வெள்ளி பதக்கத்திற்கான போட்டி இந்திய நேரப்படி இரவு 7.30 மணிக்கு நடைபெறுகிறது. இதில் சீனா அணிகளே மோதுகின்றன. எனவே சீனாவுக்கு இப்போட்டியில் தங்கம், வெள்ளி பதக்கம் உறுதி.
-
வில்வித்தை: ஆண்கள் தனி பிரிவில் கொரியா வீரர் 7-1 என ஜப்பான் வீரரை வீழ்த்தி தங்கம் வென்றார்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fc96554de-dc16-4778-b6c1-1f960b69eb88_L_secvpf.gif&hash=3adc358e3dda203250a229deed04e5ef2a440e6a)
வில்வித்தை போட்டியின் ஆண்கள் தனி பிரிவுக்கான இறுதி போட்டி இன்று நடைபெற்றது. இதில் கொரியா வீரர் ஜின் ஹெய்க் ஓ ஜப்பான் வீரர் டகாஹரு புருகாவாவை எதிர்கொண்டார். இதில் கொரிய வீரர் ஹெய்க் ஓ 7-1 (29-26, 29-28, 29-29, 28-25) என்ற கணக்கில் ஜப்பான் வீரரை வீழ்த்தி தங்கம் வென்றார். தோல்வியடைந்த ஜப்பான் வீரருக்கு வெள்ளி பதக்கம் கிடைத்தது.
வெண்கலத்துக்கான போட்டியில் சீன வீரர் சியாவோசியாங் டாய் நெதர்லாந்தை சேர்ந்த ரிக் வான் டேர் வென் எதிர்கொண்டார். இதில் சீன வீரர் 6-5 (26-30, 29-28, 28-27, 28-25 26-26) என்ற கணக்கில் வென்று வெண்கல பதக்கம் வென்றார்.
-
கியூபாவுக்கு இரண்டாவது தங்கம்: ஜூடோ வீராங்கனை இடாலிஸ் ஆர்டிஸ் அபாரம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fa3be85e0-ce10-4ddd-81ca-4870deb6fd17_L_secvpf.gif&hash=17d4467b856b7c592f53c71f4bc540f8f9ea63dd)
லண்டன் ஒலிம்பிக் போட்டியில் இன்று பெண்களுக்கான (+78 கிலோ) ஜூடோ போட்டிகள் நடைபெற்றன. இதன் இறுதிச்சுற்றில் கியூபாவின் இடாலிஸ் ஆர்டிஸ், ஜப்பானின் மிகா சுஜிமோட்டோ ஆகியோர் மோதினர். இதில் கியூபா வீராங்கனை வெற்றி பெற்று தங்கப் பதக்கத்தை வென்றார். ஜப்பான் வீராங்கனை சுஜிமோட்டோ வெள்ளி வென்றார்.
முன்னதாக வெண்கலப் பதக்கத்துக்கான போட்டிகள் நடைபெற்றன. முதலில் நடைபெற்ற போட்டியில் பிரிட்டன் வீராங்கனை கரினா பிரையந்த், 020-011 என்ற புள்ளிகணக்கில் உக்ரைன் வீராங்கனை இரினா கிண்டர்ஸ்காவை வீழ்த்தி வெண்கலப் பதக்கம் பெற்றார்.
அடுத்த போட்டியில், சீன வீராங்கனை வென் டாங், 100-0001 என்ற புள்ளி கணக்கில் பிரேசில் வீராங்கனை மரிய சுலன் அல்த்மேனை தோற்கடித்து வெண்கலம் வென்றார்.
-
ஒலிம்பிக்: பெண்கள் 10,000 மீட்டர் ஓட்டத்தில் எத்தியோப்பியா மற்றும் கென்யாவுக்கு பதக்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F35b43a9f-a169-426f-91b1-2919fb45b82f_L_secvpf.gif&hash=525403435dab54fe134bad6cce84ea3cd54774de)
லண்டன் ஒலிம்பிக்கில் பெண்களுக்கான 10,000 மீட்டர் ஓட்டப்பந்தயத்தின் இறுதிப்போட்டி இன்று நடந்தது. இதில் இறுதிவரை சீரான ஓட்டத்தை வெளிப்படுத்திய எத்தியோப்பிய வீராங்கனை டிருனேஷ் டிபாடா தங்கப்பதக்கம் வென்றார்.
டிபாடா 30 நிமிடம் 26:37 விநாடிகளில் 10,000 மீட்டர் தூரத்தைக் கடந்தார். இப்போட்டியில் கென்ய வீராங்கனைகளான சல்லி ஜெப்கோஸ்கி கிப்யேகோ மற்றும் விவியன் ஜெப்கிமய் செருயோட் ஆகியோர் முறையே வெள்ளி மற்றும் வெண்கலப்பதக்கங்களை வென்றனர்.
-
ஒலிம்பிக்: ஆண்கள் குண்டு எறிதல் போட்டியில் போலந்துக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F0290021c-d874-470c-a57c-06304d113ed7_L_secvpf.gif&hash=36c67a48f4ecdbe730c2fca91d6d8439f8b86faf)
லண்டன் ஒலிம்பிக்கில் ஆண்களுக்கான குண்டு எறிதல் போட்டியில் போலந்து வீரரான டோமாஸ் மஜீவ்ஸ்கி தங்கம் வென்றுள்ளார். அவர் அதிகபட்சமாக 21.89 மீட்டர் தூரம் வரை குண்டு எறிந்து பதக்கத்தைக் கைப்பற்றினார்.
குண்டு எறிதல் போட்டியில் ஜெர்மனி வீரர் டேவிட் ஸ்ட்ரால் வெள்ளி மற்றும் அமெரிக்க வீரர் ரீஸ் ஹொபா வெண்கலம் வென்றனர்.
-
ஒலிம்பிக்: ஆண்கள் டிரம்போலினில் தங்கம் வென்றார் சீன வீரர்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F112bc63b-6708-48aa-a390-abc659518107_L_secvpf.gif&hash=d0b682f31d1e9e2187ff3382d44142b1892d364f)
லண்டன் ஒலிம்பிக்கில் ஆண்களுக்கான டிரம்போலின் போட்டியில் சீன வீரர் டோங் டங் தங்கப்பதக்கம் வென்றுள்ளார்.
இப்போட்டியில் ரஷ்ய வீரர் டிமிட்ரி உஷகோவ் வெள்ளிப்பதக்கமும், மற்றொரு சீன வீரரான சுங்லாங் லு வெண்கலப்பதக்கமும் பெற்றனர்.
-
ஒலிம்பிக் பளுதூக்குதல்: ஆண்கள் 85 கிலோ எடைப்பிரிவில் தங்கம் வென்றார் போலந்து வீரர்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F8b3f3b6c-4d4b-4e2a-83e0-0dbfd1a42dab_L_secvpf.gif&hash=b54493c75a6cc8a2329602bada7e6aadec2d75e1)
லண்டன் ஒலிம்பிக்கில் ஆண்கள் 85 கிலோ எடைப் பிரிவினருக்கான பளுதூக்குதல் போட்டிகள் நேற்று நடந்தன. இதில் 385 கிலோ வரை பளுதூக்கிய போலந்து வீரர் அட்ரியன் எட்வர்ட் சியிலின்ஸ்கி தங்கப்பதக்கம் வென்றார்.
இப்பிரிவில் ரஷ்ய வீரர் அப்டி அகாடோவ் வெள்ளிப்பதக்கமும், ஈரான் வீரர் கியானவுஷ் ரொசடாமி வெண்கலப்பதக்கமும் வென்றனர்.
-
ஒலிம்பிக்: பெண்கள் 200 மீட்டர் பேக்ஸ்ட்ரோக் நீச்சலில் அமெரிக்காவுக்கு தங்கம் மற்றும் வெண்கலம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F5ccef825-e2f0-40cd-8e54-e82610cac59e_L_secvpf.gif&hash=891e3d58b8a38d1ea63edfcbf4fc1811f12b7b31)
ஒலிம்பிக் நீச்சல் போட்டிகளில் அமெரிக்க வீரர்களின் ஆதிக்கம் தொடர்கதையாக இருந்து வருகிறது. அதிலும் தற்போதைய ஒலிம்பிக் நீச்சல் போட்டிகள் பதக்கப் பட்டியல் அனைத்திலும் அமெரிக்க வீரர்களின் பெயர் நிச்சயம் இடம்பெற்று வருகிறது.
வீரர்களுக்கு நிகராக அந்நாட்டு வீராங்கனைகளும் பதக்கங்களைக் குவித்து வருகின்றனர். நேற்று நடந்த பெண்களுக்கான 200 மீட்டர் பேக்ஸ்ட்ரோக் நீச்சல் போட்டியில் அமெரிக்க வீராங்கனை மிஸ்ஸி பிராங்க்ளின் தங்கப்பதக்கம் வென்றார்.
மற்றொரு அமெரிக்க வீராங்கனையான எலிசபெத் பெய்சல் வெண்கலம் வென்றார். இப்போட்டியில் ரஷ்ய வீராங்கனை அனஸ்தாசியா சுயிவா வெள்ளிப்பதக்கம் வென்றார்.
-
ஒலிம்பிக்: 100 மீட்டர் பட்டர்பிளை நீச்சலில் மைக்கேல் பெல்ப்சுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F159d8737-c661-43a4-869b-48226e299663_L_secvpf.gif&hash=91f02f3cea7442cf2ee749b1d98d6c13db1fbc50)
கடந்த இரு ஒலிம்பிக் தொடர்களைப் போல அமெரிக்க வீரர் மைக்கேல் பெல்ப்சின் தங்க வேட்டை தற்போதைய லண்டன் ஒலிம்பிக்கிலும் தொடர்ந்து வருகிறது.
லண்டன் ஒலிம்பிக்கில் நேற்று நடந்த ஆண்களுக்கான 100 மீட்டர் பட்டர்பிளை நீச்சல் போட்டியில் எளிதாக வென்ற மைக்கேல் பெல்ப்ஸ் தங்கப்பதக்கம் பெற்றார்.
ஒலிம்பிக்கில் பெல்ப்ஸ் வென்றுள்ள 17-வது தங்கமாகவும், ஒட்டுமொத்தமாக அவர் வென்ற 21-வது பதக்கமாகவும் இது அமைந்துள்ளது. இப்போட்டியில் தென்னாப்பிரிக்க வீரர் சாட் லே குளோஸ் வெள்ளிப்பதக்கமும், ரஷ்யாவின் எவ்ஜெனிகொரோடிஷ்கின் வெண்கலமும் வென்றனர்.
-
ஒலிம்பிக்: பெண்கள் 800 மீட்டர் பிரீஸ்டைல் நீச்சலில் அமெரிக்காவுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fd316dc52-b863-4216-8fbf-d710a60458df_L_secvpf.gif&hash=223de8d1bb00191d8648e2ef49cbc3e2c47929bb)
லண்டன் ஒலிம்பிக்கில் பெண்களுக்கான 800 மீட்டர் பிரீஸ்டைல் நீச்சல் போட்டியில் அமெரிக்க வீராங்கனை கேதி லெடக்கி தங்கப்பதக்கம் வென்றார். பந்தய தூரமான 800 மீட்டர் தூரத்தை கேதி 8 நிமிடம் 14:63 விநாடிகளில் கடந்தார்.
இப்போட்டியில் ஸ்பெயின் வீராங்கனை மிரீயா பெல்மாண்ட் கார்சியா வெள்ளிப்பதக்கமும், இங்கிலாந்தின் ரெபேக்கா அட்லிங்டன் வெண்கலமும் வென்றனர்.
-
ஒலிம்பிக்: ஆண்கள் 50 மீட்டர் பிரீஸ்டைல் நீச்சலில் தங்கம் வென்றார் பிரான்ஸ் வீரர்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fec8da6de-9bac-41f0-882c-58fc8496b7bc_L_secvpf.gif&hash=6fe8703d25d9f19654c78c5e31780addedb16610)
லண்டன் ஒலிம்பிக்கில் ஆண்களுக்கான 50 மீட்டர் பிரீஸ்டைல் நீச்சல் போட்டியில் பிரான்ஸ் வீரர் புளோரண்ட் மனடோ தங்கப்பதக்கம் வென்றார்.
இப்போட்டியில் அமெரிக்க வீரர் கலன் ஜோன்ஸ் வெள்ளிப்பதக்கமும், பிரேசிலின் சீசர் சீலோ வெண்கலமும் வென்றனர்.
-
ஒலிம்பிக் சைக்கிள் பந்தயம்: ஆண்கள் பர்ஸ்யூட் பிரிவில் தங்கம் வென்றது இங்கிலாந்து அணி
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F6d112e18-c6bb-4d9a-a246-aa206644cdc5_L_secvpf.gif&hash=5c1115305a8f8b03a236ff72fb2c8074941fa09f)
லண்டன் ஒலிம்பிக் சைக்கிள் பந்தயத்தில் ஆண்கள் அணிகளுக்கிடையேயான பர்ஸ்யூட் பிரிவின் இறுதிச்சுற்றுப் போட்டியில் எட்வர்ட் கிளான்சி, ஜெரைண்ட் தாமஸ், ஸ்டீவன் பர்க், பீட்டர் கென்னா ஆகியோர் அடங்கிய இங்கிலாந்து அணி தங்கப்பதக்கம் வென்றது.
இப்போட்டியில் ஜாக் பாப்ரிட்ஜ், கிளென் ஓ ஷியா, ரோகன் டென்னிஸ், மைக்கேல் ஹெப்பர்ன் ஆகியோர் கொண்ட ஆஸ்திரேலிய அணி வெள்ளிப்பதக்கமும், நியூசிலாந்து அணி வெண்கலப்பதக்கமும் வென்றன.
-
துடுப்பு படகு: ஆண்கள் 4 பேர் பிரிவில் பிரிட்டனுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fd9d576bf-7b65-4166-91c4-c8da25e2af4b_L_secvpf.gif&hash=bd2f210bc7b7f18e7d55f7a1e6beb2907cfb2c46)
துடுப்பு படகு போட்டியின் ஆண்களுக்கான 4 பேர் பிரிவின் இறுதிப் போட்டி இன்று நடைபெற்றது. இறுதிப்போட்டிக்கு ஹீட்ஸ், ரீபேக்கேஜ், அரைஇறுதி போட்டியின் முடிவில் பிரிட்டன், ஆஸ்திரேலியா, அமெரிக்கா, கிரீஸ், நெதர்லாந்து, ஜெர்மனி ஆகிய 6 நாடுகள் தகுதிப்பெற்றன.
இதில் பந்தய தூரத்தை 6 நிமிடம் 3.97 வினாடிகள் கடந்து பிரிட்டன் வீரர்கள் தங்கம் பதக்கம் வென்றனர். ஆஸ்திரேலிய வீரர்கள் 6 நிமிடம் 5.19 வினாடிகளில் கடந்து வெள்ளி, அமெரிக்கா 6 நிமிடம் 7.20 வினாடிகளில் கடந்து வெண்கல பதக்கத்தையும் வென்றனர்.
-
துடுப்பு படகு: பெண்கள் லைட் வெயிட் இரட்டையர் பிரிவில் பிரிட்டனுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fcceee3d4-356d-4dd4-b282-dbb3285662f2_L_secvpf.gif&hash=96c969091523b1359a01ae2806d83b5f2129aeef)
துடுப்பு படகு போட்டியின் பெண்களுக்கான லைட் வெயிட் இரட்டையர் பிரிவுக்கான இறுதிப்போட்டி இன்று நடைபெற்றது. இறுதிபோட்டிக்கு பிரிட்டன், சீனா, கிரீஸ், டென்மார்க், ஆஸ்திரேலியா மற்றும் ஜெர்மனி நாடுகள் தகுதி பெற்றனர்.
இறுதிபோட்டியின் முடிவில் பிரிட்டன் வீராங்கனைகள் ஷோபி ஹோஸ்கி்ங் மற்றும் கேதரின் கோப்லெண்ட் ஆகியோர் பந்தய தூரத்தை 7 நிமிடம் 9.30 வினாடிகளில் கடந்து தங்க பதக்கத்தை வென்றனர். சீன ஜோடியான வென்யீ ஹுயாங்- டொங்சியாங் ஜு 7 நிமிடம் 11.93 வினாடிகளில் கடந்து வெள்ளி, கிரீஸ் ஜோடியான கிறிஸ்டியானா- அலெக்ஸாண்ட்ரா திஸ்யாவோ 7 நிமிடம் 12.09 வினாடிகளில் கடந்து வெண்கல பதக்கத்தையும் வென்றனர்.
ஆண்கள் லைட் வெயிட் இரட்டையர் ஸ்கல்ஸ் பிரிவில் டென்மார்க் தங்க பதக்கத்தையும், பிரிட்டன் வெள்ளி, நியூசிலாந்து வெண்கல பதக்கத்தையம் வென்றது.
பெண்கள் ஒற்றையர் ஸ்கல்ஸ் பிரிவில் செக் குடியரசு- தங்கம், டென்மார்க்- வெள்ளி, ஆஸ்திரேலியா- வெண்கல பதக்கத்தையும் வென்றது.
இன்று நடைபெற்ற 4 போட்டிகளில் பிரிட்டன் 2 தங்கம் மற்றும் ஒரு வெள்ளி பதக்கத்தையும் வென்றுள்ளது.
-
துப்பாக்கி சுடுதல்: பெண்கள் 50 மீட்டர் ரைபிள் 3 பொஷிசன் பிரிவில் அமெரிக்கா தங்கம் வென்றது
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fa9508328-2590-4a09-a712-8d2f8ddf46f4_L_secvpf.gif&hash=706afd68132d75921224462e99e9889bc35ee18b)
துப்பாக்கி சுடுதலி்ல் பெண்களுக்கான 50 மீட்டர் ரைபிள் 3 பொஷிசன் பிரிவு போட்டி இன்று நடைபெற்றது. தகுதிச்சுற்றில் 46 நாடுகள் கலந்து கொண்டனர்.
தகுதிச் சுற்றின் முடிவில் அமெரிக்க வீராங்கனை ஜெமின் லைன் கிரே 592 புள்ளிகள் பெற்று முதலிடம் பிடித்தார். இது புதிய ஒலிம்பிக் சாதனையாகும். 590 புள்ளிகள் பெற்ற செர்பியா வீராங்கனை இரண்டாவது இடத்தையும், ரஷ்யா, செக் குடியரசு, போலந்து, குரோஷியா, ஜெர்மனி, போலந்து ஆகிய நாட்டு வீராங்கனைகள் முறையே 3 முதல் 8 இடங்களை பெற்றனர். முதல் 8 இடங்களை பெற்ற வீராங்கனைகள் இறுதிப்போட்டிக்கு தகுதி பெற்றனர்.
இறுதிப்போட்டியில் அமெரிக்க வீராங்கனை ஜெமின் லைன் கிரே 691.9 (592+99.9) புள்ளிகள் பெற்று தங்க பதக்கம் வென்றார். செர்பியா வீராங்கனை இவானா மக்சிமோவிக் 687.5 (590+97.5) புள்ளிகள் பெற்று வெள்ளி, செக்குடியரசு வீராங்கனை அடேலா சிகோரோவா 683 (584+99) புள்ளிகள் பெற்று வெண்கல பதக்கத்தையும் வென்றனர்.
-
டென்னிஸ்: பெண்கள் ஒற்றையர் பிரிவல் செரினா வில்லியம்ஸ் தங்கம் வென்றார்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fa47fa3a2-ccc0-4ffe-8071-d9f5b2f1fb86_L_secvpf.gif&hash=27395fea21a03d8515ac9e88be12d135fca1bf3f)
டென்னிஸ் போட்டியின் பெண்கள் ஒற்றையர் பிரிவிற்கான இறுதி போட்டி இன்று மாலை நடைபெற்றது. இதில் அமெரிக்க வீராங்கனை செரினா வில்லியம்ஸ் ரஷ்ய வீராங்கனை மரியா ஷரபோவாவை எதிர்கொண்டார்.
செரினா வில்லிம்ஸ் ஆட்டத்திற்கு ஈடுகொடுக்க முடியாமல் திணறிய ஷரபோவா முதல் செட்டை 0-6 என இழந்தார். இரண்டாவது செட்டையும் 1-6 என இழக்க செரினா வில்லியம்ஸ் முதல் முறையாக ஒலிம்பிக்கில் தங்கம் வென்றார். இந்த வெற்றியை பெற செரினாவுக்கு 63 நிமிடங்களே தேவைப்பட்டது.
-
பேட்மிண்டன்: பெண்கள் ஒற்றையர் பிரிவில் சீனாவுக்கு தங்கம் மற்றும் வெள்ளி
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F6659d341-d6a8-42bd-baa5-ceb514a82d04_L_secvpf.gif&hash=71b6cc8a6e6c83df60fc7b121635064dd8479107)
பேட்மிண்டன் பெண்கள் ஒற்றையருக்கான இறுதிப்போட்டி இன்று நடைபெற்றது. இதில் சீன வீராங்கனைகள் யிகான் வாங்- ஜுவேருயி லி மோதினர். இருவரிடையே தங்கம் பதக்கத்தை வெல்வது யார் என்பதில் கடும் போட்டி நிலவியது.
முதல் செட்டை ஜுவேருயி லி 21-15 என கைப்பற்றினார். இதனால் இரணடாவது செட்டை கைப்பற்ற ஆக்ரோஷமாக ஆடினார் யிகான் வாங். இதன்பயனாக யிகான் வாங் 23-21 என இரண்டாவது செட்டை போராடி கைப்பற்றினார். வெற்றியை நிர்ணயிக்கும் 3-வது செட்டில் ஜுவேருயி லியின் கையே ஓங்கியது. கடும் போராட்டத்திற்கு பின் 21-17 என 3-வது செட்டை கைப்பற்றி தங்கம் பதக்கத்தை வென்றார். தோல்வியடைந்த யிகான் வாங்குக்கு வெள்ளி பதக்கம் கிடைத்தது.
இப்பிரிவில் இந்திய வீராங்கனை சாய்னா நேவால் வெண்கல பதக்கம் வென்றார்.
-
துப்பாக்கி சுடுதல்: பெண்களுக்கான டிராப் பிரிவில் இத்தாலிக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fb3a44f4f-b723-4547-b71b-d5a009469d99_L_secvpf.gif&hash=15b2b48b5aa68b46a0cad8e7b2c71adb0b876bd1)
துப்பாக்கி சுடுதலில் பெண்களுக்கான டிராப் போட்டி இன்று நடைபெற்றது. தகுதிச் சுற்றின் அடிப்படையில் முதல் 6 இடங்களை பிடித்த வீராங்கனைகள் இறுதி போட்டிக்கு முன்னேறினர்.
இறுதி போட்டியில் இத்தாலி வீராங்கனை 99 புள்ளிகள் பெற்று தங்க பதக்கத்தை வென்றார். தகுதிச் சுற்றில் 75 புள்ளிகளும், இறுதி போட்டியில் 24 புள்ளிகளும் பெற்றார். சுலோவாக்கிய வீராங்கனை சூசன்னா ஸ்டெபேசெகோவா 93 புள்ளிகள் பெற்று வெள்ளி பதக்கத்தையும், பிரான்ஸ் வீராங்கனை டெல்பின் அதே புள்ளிகளைப் பெற்று வெண்கல பதக்கத்தையும் வென்றனர்.
சுலோவாக்கியா, பிரான்ஸ் மற்றும் சன் மரினோ ஆகிய நாட்டைச் சேர்ந்த வீராங்கனைகள் மூவரும் ஒரே புள்ளியை எடுத்திருந்தனர். ஆகையால் அவர்களுக்கு சூட் ஆப் வாய்ப்பு வழங்கப்பட்டது. இதில் சுலோவாக்கிய வீராங்கனை முதல் இடத்தையும், பிரான்ஸ் வீராங்கனை இரணடாவது இடத்தையும் பிடித்தனர்.
இந்த பிரிவில் இந்திய வீராங்கனை சாகுன் சௌத்ரி தகுதிச் சுற்றில் 20-வது இடத்தை பிடித்து வெளியேறினார்.
-
100 மீட்டர் ஓட்டம்: ஜமைக்கா வீராங்கனை பிரேசர் வெற்றி
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F2c5255ef-fe0c-4662-831c-2ff7f63e0ae4_L_secvpf.gif&hash=5ea31e87772431879a0e2d86c06169a796ef0d8e)
உலகின் மிகப்பெரிய விளையாட்டு திருவிழாவான ஒலிம்பிக் போட்டி லண்டனில் நடைபெற்று வருகிறது. இதன் பெண்களுக்கான 100 மீட்டர் ஓட்டம் இந்திய நேரப்படி நள்ளிரவு 2.25 மணியளவில் நடந்தது.
இதில் அமெரிக்காவை சேர்ந்த ஜெட்டர், பெலிக்ஸ், மேடிசன் ஆகியோரும், ஜமைக்காவை சேர்ந்த வெர்னிக்கா, கேம்ப்பெல், பிரேசர் பிரைஸ் மற்றும் பேப்டிஸ் (டிரினிடாட்), அகவுர் (ஐவேரி கோஸ்டர்) ஒககாபர் (நைஜீரியா) ஆகிய 8 வீராங்கனைகள் கலந்து கொண்டனர்.
இதில் ஜமைக்கா வீராங்கனை பிரேசர் மின்னல் வேகத்தில் ஓடி வெற்றி பெற்றார். அவர் பந்தய தூரத்தை 10.75 வினாடியில் கடந்து தங்கம் வென்றார். பிரேசர் பிரைஸ் 2008-ம் ஆண்டு பெய்ஜிங்கில் நடந்த ஒலிம்பிக்கிலும் 100 மீட்டர் ஓட்டத்தில் தங்கம் வென்றார். இதன்மூலம் அவர் ஒலிம்பிக் சாம்பியன் பட்டத்தை தக்க வைத்துக்கொண்டார். அவர் உலக சாம்பியனான கேமிலிட்டா ஜெட்டரை தோற்கடித்தார்.
அமெரிக்காவை சேர்ந்த உலக சாம்பியனான ஜெட்டர் 10.78 வினாடியில் கடந்து வெள்ளிப்பதக்கம் பெற்றார். ஜமைக்காவை சேர்ந்த மற்றொரு வீராங்கனையான வெரோனிக்கா கேம்ப்பெல் 10.81 வினாடியில் கடந்து வெண்கல பதக்கம் பெற்றார்.
உலகின் அதிவேக வீரர் யார் என்பதற்காக ஆண்கள் 100 மீட்டர் ஓட்டம் இந்திய நேரப்படி இன்று நள்ளிரவு 2.20 மணிக்கு நடக்கிறது. உலக சாதனையாளரும், ஒலிம்பிக் சாம்பியனுமான உசேன் போல்ட் சாம்பியன் பட்டத்தை தக்க வைத்துக்கொள்ள போராட வேண்டும். அவருக்கு யோகன் பிளேக், ஆசபா போவெல் (ஜமைக்கா), டைசன் காய் (அமெரிக்கா) கடும் சவாலாக இருப்பார்கள் என்று தெரிகிறது.
நேற்று நடந்த மற்ற போட்டிகளான ஆண்கள் நீளம் தாண்டும் போட்டியிலும், 10 ஆயிரம் மீட்டர் ஓட்டத்திலும் இங்கிலாந்து தங்கம் வென்றது. ஆண்களுக்கான 20 கிலோ மீட்டர் நடை பந்தயத்தில் சீனாவும், பெண்கள் வட்டு எறிதலில் குரோஷியாவும் தங்கம் வென்றன.
-
பேட்மிண்டன்: ஆண்கள் ஒற்றையர் பிரிவில் சீனாவுக்கு வெண்கலம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F06fd13cf-d250-416c-8048-2528aafea494_L_secvpf.gif&hash=769c5d0a5fffa7ac1e9c19c3628504785143e3d5)
பேட்மிண்டன் போட்டியின் ஆண்களுக்கான ஒற்றையர் பிரிவில் வெண்கல பதக்கத்திற்கான போட்டி இன்று மதியம் நடைபெற்றது. இதில் சீன வீரர் லாங் ஷென்- கொரிய வீரர் ஹியுன் லீ மோதினார்கள். இதில் சீன வீரர் லாங் ஷென் 21-12, 15-21, 21-15 என்ற கணக்கில் கொரிய வீரரை வீழ்த்தி வெண்கல பதக்கம் வென்றார்.
லாங் ஷென் அரை இறுதிப்போட்டியில மலேசியாவைச் சேர்ந்த முதல்நிலை வீரரான சோங் வெய் லீயிடம் 0-2 (13-21, 14-21) என தோற்றிருந்தார்.
இறுதிப்போட்டி இந்திய நேரப்படி இன்று மாலை 5.30 மணிக்கு நடைபெறுகிறது. இதில் சீனா- மலேசியா வீரர்கள் மோதுகிறார்கள்.
-
துப்பாக்கி சுடுதல்: ஆண்கள் 50 மீட்டர் பிஸ்டல் பிரிவில் கொரியாவுக்கு தங்கம் மற்றும் வெள்ளி
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F9faf7ead-0edb-4d4f-bef0-5137711fff61_L_secvpf.gif&hash=1f56302c2c3079752b2b9dec568d3523e396794f)
துப்பாக்கி சுடுதலின் ஆண்களுக்கான 50 மீட்டர் பிஸ்டல் பிரிவின் ஆட்டம் இந்திய நேரப்படி இன்று மாலை 5 மணிக்கு தொடங்கியது. தகுதிச் சுற்றில் 38 நாட்டு வீரர்கள் கலந்து கொணடனர். இதில் முதல் 8 இடங்களை பிடித்த கொரியா, சீனா, செர்பியா, வியட்நாம், கொரியா, ஜெர்மனி, ரஷியா, இத்தாலி ஆகிய நாட்டு வீரர்கள் இறுதி போட்டிக்கு தகுதி பெற்றனர்.
இறுதி போட்டியில் கொரிய வீரர் ஜொன்கோ ஜின் 662 (562+100) புள்ளிகள் பெற்று தங்கம் பதக்கம் வென்றார். 666.5 (569+92.5) புள்ளிகள் பெற்ற மற்றொரு கொரிய வீரர் யங் ராய் சொயி வெள்ளி, சீன வீரர் ஷிவெய் வாங் 658.6 (566+92.6) புள்ளிகள் பெற்று வெண்கல பதக்கத்தையும் வென்றனர்.
-
டென்னிஸ்: பெண்கள் இரட்டையர் பிரிவில் வில்லியம்ஸ் சகோதரிகளுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F34df3955-4efa-4abc-a098-e0a7180f833b_L_secvpf.gif&hash=e9cb6889ebf2c94f53538979c17492c899deb5f4)
டென்னிஸ் போட்டியின் பெண்களுக்கான இரட்டையர் பிரிவிற்கான இறுதி போட்டி இன்று நடைபெற்றது. இதில் அமெரிக்க ஜோடி செரினா- வீனஸ், செக் குடியரசு ஜோடியான லூசி-அன்ட்டிரியாவுடன் மோதினர்.
இதில் 6-4,6-4 என நேர்செட் கணக்கில் வில்லியம்ஸ் ஜோடி வெற்றி பெற்று தங்க பதக்கத்தை வென்றது. தோல்வியடைந்து செக் குடியரசு ஜோடி வெள்ளி பதக்கத்தை பெற்றது.
-
பேட்மிண்டன்: ஒட்டு மொத்த தங்க பதக்கத்தையும் வென்ற சீனா
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fdf726949-b3bf-414e-887a-5b5b0bd30b6d_L_secvpf.gif&hash=48ea349df39485abb1a779bc1fc5abd668bc5af9)
லண்டன் ஒலிம்பிக் போட்டியின் பேட்மிணடன் பிரிவில் ஆண்கள் ஒற்றையர், பெண்கள் ஒற்றையர், ஆண்கள் இரட்டையர், பெண்கள் இரட்டையர் மற்றும் கலப்பு இரட்டையர் ஆகிய போட்டிகள் நடைபெற்றன.
இந்த அனைத்து போட்டிகளிலும் சீனா தங்க (5) பதக்கத்தை வென்றுள்ளது. மேலும் ஆண்கள் ஒற்றையர் பிரிவில் வெண்கல பதக்கமும், பெண்கள் ஒற்றையர் பிரிவில் வெள்ளி பதக்கமும், கலப்பு இரட்டையர் பிரிவில் வெள்ளி பதக்கமும் பெற்றுள்ளது. மொத்தத்தில் 8 பதக்கங்களை பெற்றுள்ளது.
-
டென்னிஸ்: பெடரரை வீழ்த்தி முர்ரே தங்கம் வென்றார்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fc9b02c61-466c-4f79-9598-9324ae97b2fa_L_secvpf.gif&hash=960bfcd5e5e4de3edf0b41c4e8fe97a157a1a42f)
டென்னிஸ் ஆண்களுக்கான ஒற்றையர் பிரிவின் இறுதி போட்டி இன்று நடைபெற்றது. இதில் முதல் நிலை வீரரனா பெடரர், 3-ம் நிலை வீரரான முர்ரேவை எதிர்கொண்டார். இதில் 3-0 என நேர்செட் கணக்கில் பெடரரை முர்ரே வீழ்த்தி தங்க பதக்கம் வென்றார்.
முதல் செட்டை 6-2 என வென்ற முர்ரே, அடுத்த இரண்டு செட்களையும் 6-1, 6-4 என எளிதில் வென்று தங்கம் பதக்கம் வென்றார். இந்த வெற்றியை பெற முர்ரேவுக்கு ஒரு மணி நேரம் 56 நிமிடங்கள் தேவைப்பட்டது.
வெண்கல பதக்கத்திற்கான போட்டியில் அர்ஜெண்டினா வீரர் பெட்ரோவை வெற்றி பெற்றார்.
-
லண்டன் ஒலிம்பிக் மல்யுத்தம்: ஆண்கள் 55 கிலோ பிரிவில் ஈரானுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F6dae888d-7890-4d88-b987-d1c0993f08d1_L_secvpf.gif&hash=9ca3c805485d2aaf41fa2b46d1e25d9124b59b89)
லண்டன் ஒலிம்பிக்பில் 55 கிலோ எடைப் பிரிவிற்கான கிரெக்கோ ரோமன் மல்யுத்த இறுதி போட்டியில் அசர்பைஜான் வீரரை வீழ்த்தி ஈரான் வீரர் தங்கத்தை தட்டிசென்றார்.
நேற்று நடைபெற்ற இந்த இறுதி சுற்றுப்போட்டியில் இரான் நாட்டை சேர்ந்த 26 வயதான ஹமித் முஹம்மது சொர்யான் என்ற வீரர் அசர்பைஜான் நாட்டின் ரோவ்சன் பேரமோவ் வீரரை வீழ்த்தி தங்கப் பதக்கத்தை தட்டி சென்றார்.
அசர்பைஜான் நாட்டின் ரோவ்சன் பேரமோவ்க்கு வெள்ளிப்பதக்கும் பரிசளிக்கப்பட்டது.
இதே பிரிவில் வெண்கலத்துக்காக நடைபெற்ற மற்றொர போட்டியில் ரஷ்ய மற்றும் ஹங்கேரி வீரர்கள் முறையே மின்கியான் செமாநோவ், பீட்டர் மொடோஸ் ஆகிய இருவருக்கும் வெண்கலப்பதக்கம் பரிசளிக்கப்பட்டது.
-
லண்டன் ஒலிம்பிக்: உலகின் அதிவேக வீரரான உசைன்போல்ட் 100 மீட்டர் ஓட்டத்தில் தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F43d0c735-d61c-4235-9669-c6e70be462a5_L_secvpf.gif&hash=d5d54bd7f100f2a7ad56b45709502b08a94d7f5e)
லண்டன் ஒலிம்பிக் ஸ்டேடியத்தில் நேற்று நடைபெற்ற ஆண்களுக்கான 100 மீட்டர் இறுதி சுற்று ஓட்டப்பந்தயத்தில் உலகின் அதிவேக வீரரான ஜமைக்காவின் உசேன் போல்ட் முதலாவதாக வந்தார்.
100 மீட்டர் ஓட்டத்தில் அதிவேக வீரரான உசைன் போல்ட் பந்தய தூரத்தை கடக்க 9.63 வினாடிகள் மட்டுமே எடுத்து தங்கப்பதக்கத்தை தட்டிச்சென்றார்.
அவரை தொடர்ந்து பின்னால் வந்த சக நாட்டு வீரரும் பயிற்சி தோழருமான யோகன் ப்ளேக் 9.75 வினாடிகளில் கடந்து வெள்ளிப்பதக்கத்தை தட்டிச்சென்றார். அமெரிக்காவின் ஜஸ்டின் காட்லின் 9.79 வினாடிகள் எடுத்து வெண்கலப்பதக்கத்தை வென்றார்.
-
ஒலிம்பிக்: ஆண்களுக்கான சங்கிலிக் குண்டு எறிதலில் ஹங்கேரிக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F2dbd30d3-0ec2-43a0-bade-ad6d78eef9d0_L_secvpf.gif&hash=12f5b5aefac18a44a35d96ee7752c07116b61259)
லண்டனில் நேற்று நடைபெற்ற ஆண்களுக்கான சங்கிலிக்குண்டு எறிதல் இறுதி போட்டியில் ஹங்கேரி வீரர் கிறிஸ்டியன் பார்ஸ் 80.59 மீட்டார் தூரம் வீசி, தங்கப்பதக்கத்தை வென்றார்.
79.36 மீட்டர் தூரம் வீசிய ஸ்லோவேனியா வீரர் பிரைமோஸ் கோஸ்மஸ் வெள்ளிப் பதக்கத்தை கைப்பற்றினார்.
ஜப்பான் வீரர் கோசி-முரோபுஷி சங்கிலிக் குண்டை 78.71 மீட்டர் தூரம் வீசி வெண்கலப்பதக்கத்தை தட்டிச்சென்றார்.
-
ஒலிம்பிக்: 74 கிலோ மல்யுத்த போட்டியில் ரஷ்யாவுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F606d347f-2308-4e3e-8845-266534392dd8_L_secvpf.gif&hash=9c5a21884ccb34d63a3be6a259adf7721d7f15f1)
லண்டன் ஒலிம்பிக்கில் 74 கிலோ பிரிவிற்கான கிரகோ ரோமன் மல்யுத்த இறுதி போட்டி நேற்று நடந்தது. இதில் ரஷ்யா வீரர் ரோமன் விலாசோவ், அர்மேனியாவின் அர்சென் ஜூல்பாலக்யானுக்கு எதிரானா தாக்குதலில் மூன்று புள்ளிகள் எடுத்து தங்கப் பதக்கத்தை தட்டிச்சென்றார்.
அர்மேனியாவின் அர்சென் ஜூல்பாலக்யானுக்கு வெள்ளிப்பதக்கமும், அதனை தொடர்ந்து வெண்கலப் பதக்கத்திற்காக நடந்த ஆட்டங்களின் முறையே லிதுவேனியாவின் அலெக்சாண்டர் கசகவிக், அசர்பைஜான் வீரரான எமின் அஹமதோவ் ஆகிய இருவருக்கும் வெண்கலப்பதக்கம் வழங்கப்பட்டது.
-
பெண்களுக்கான 400 மீட்டர் ஒலிம்பிக் ஓட்டப்பந்தயத்தில் அமெரிக்காவுக்கு தங்கம் மற்றும் வெண்கலம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2Fab6ee2b6-3595-4d59-af84-54e8ae7b41da_L_secvpf.gif&hash=983358e081936abac267228aecc03d74e5f07494)
லண்டன் ஒலிம்பிக் ஸ்டேடியத்தில் நேற்று நடைபெற்ற பெண்களுக்கான 400 மீட்டர் ஓட்டப்பந்தய இறுதிப் போட்டியில் அமெரிக்காவின் சானியா ரிச்சர்ட்ஸ் ரோஸ் 49. 55 வினாடிகளில் பந்தய தூரத்தை கடந்து தங்கப்பதக்கத்தை தட்டிச்சென்றார்.
அடுத்து வந்த கிரேட் பிரிட்டனின் கிறிஷ்டின் ஒரோக் 49.70 வினாடிகளில் பந்தய தூரத்தை கடந்து வெள்ளிப்பதக்கத்தை வென்றார். அமெரிக்காவின் டி.டி. ட்ரோட்டேர் 49.72 வினாடிகளில் மூன்றவாதாக வந்து வெண்கலப் பதக்கத்தை தட்டிச்சென்றார்.
-
ஒலிம்பிக்: ஒரு கிலோமீட்டர் ட்ராக் டைம் சைக்கிள் பந்தயத்தில் டென்மார்க்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F139f940c-3c55-44c2-b52e-a0e866a1a27d_L_secvpf.gif&hash=103ae700a8dd2e38145e52799f953f4827aac6e0)
ஒலிம்பிக்கில் ஆண்களுக்கான ஆம்னியம் ஒரு கிலோ மீட்டர் ட்ராக் டைம் சைக்கிள் போட்டி வேலோட்ரோம் ஸ்டேடியத்தில் நேற்று நடைபெற்றது.
இதில் டென்மார்க் நாட்டை சேர்ந்த ஹான்சென் லஸ்ஸீ நார்மன் 27 ஆம்னியம் புள்ளிகள் எடுத்து தங்கபதக்கத்தை வென்றார். 29 ஆம்னியம் புள்ளிகள் எடுத்து பிரான்ஸ் நாட்டை சேர்ந்த ப்ரியன் காக்வாடு வெள்ளிப்பதக்கத்தையும், 30 ஆம்னியம் புள்ளிகள் எடுத்த கிரேட் பிரிட்டனின் எட்வர்ட் கிளான்சி வெண்கலப்பதக்கத்தையும் தட்டிச்சென்றனர்.
-
லண்டன் ஒலிம்பிக்: பெண்கள் மும்முறை நீளம் தாண்டுதலில் கசகஸ்தானுக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F2808516d-7c8a-48a0-a7f1-8f7830c54c9d_L_secvpf.gif&hash=b9a15e2f4e6ddb28305c323ffaaf32db95fcd259)
லண்டனில் நேற்று நடந்த பெண்களுக்கான மூன்று முறை நீளம் தாண்டும் இறுதிப் போட்டியில் கசகஸ்தான் நாட்டு வீராங்கனை ஒல்க ரிபகோவா மிக சிறப்பாக 14.98 மீட்டர் தூரம் தாண்டி தங்கத்தை தட்டிச்சென்றார்.
கொலம்பியா வீராங்கனை கேத்ரின் இபர்குயேன் 14.80 மீட்டர் தூரம் தாண்டி இரண்டாவதாக வந்து வெள்ளிப் பதக்கத்தை வென்றார். உக்ரைன் வீராங்கனை ஒல்ஹா சலதுகா 14.79 மீட்டர் தூரம் தாண்டி வெண்கலப்பதக்கத்தை தட்டிச்சென்றார்.
-
3000 மீட்டர் தடைதாண்டி ஓடும் ஒலிம்பிக் போட்டியில் கென்யாவுக்கு தங்கம் மற்றும் வெண்கலம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F0b81f7a9-20de-44c4-9e0b-04c2be0983cb_L_secvpf.gif&hash=abac9f645e4ac3012c15a20888542ff9596eec70)
ஒலிம்பிக்கில் நேற்று ஆண்களுக்கான 3000 மீட்டர் தடைதாண்டி ஓடும் இறுதி போட்டி நடைபெற்றது. இதில் கென்யா வீரர் இசக்கியேல் கெம்போய் 8.18.56 நிமிடங்களில் குறிப்பிட்ட தூரத்தை கடந்து முதலிடம் பெற்று தங்கப்பதக்க்கத்தை வென்றார்.
அவரை தொடர்ந்து வந்த பிரான்ஸ் வீரர் மகிஎன்டைன் 8.19.8 நிமிடங்களில் பந்தய தூரத்தை கடந்து வெள்ளிப்பதக்கத்தை பெற்றார். கென்யாவின் மற்றொரு வீரரான கிப்ராப் முட்டாய் 8.19.73 நிமிடங்களில் கடந்து வெண்கலப்பதக்கத்தை தட்டிச்சென்றார்.
-
ஆண்களுக்கான தடுத்து விளையாடும் ஒலிம்பிக் வாள் சண்டை போட்டியில் இத்தாலி அணிக்கு தங்கம்
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F4f911577-2a96-4be1-a77a-d4ea379184a9_L_secvpf.gif&hash=174460eba021080fd1b1c81d4111db7090e22695)
லண்டனில் நடைபெற்ற ஆண்களுக்கான தடுத்து விளையாடும் வாள் சண்டை இறுதிப் போட்டியில் இத்தாலி அணி ஜப்பானிய அணியுடன் மோதியது. இதில் இத்தாலி அணி 45-39 என்ற கணக்கில் ஜப்பானை வீழ்த்தி தங்கத்தை தட்டிச்சென்றது.
ஜப்பான் அணிக்கு வெள்ளிப்பதக்கம் கிடைத்தது. இதே பிரிவில் வெண்லப்பதக்கத்துக்காக நடைபெற்ற மற்றொரு போட்டியில் அமெரிக்க அணியை வீழ்த்தி ஜெர்மன் அணி பதக்கத்தை தட்டிச் சென்றது.
-
பெண்களுக்கான 3 மீட்டர் ஸ்ப்ரிங் போர்டு: சீனாவுக்கு தங்கம் மற்றும் வெள்ளி
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2012%2FAug%2F1f37d26f-fcaa-4b79-8c05-d59702821adc_L_secvpf.gif&hash=7f36bc7f24774560b6074d7bda4d267ce7674d09)
லண்டனில் அக்குவாடிக் சென்டரில் நடைபெற்ற ஒலிம்பிக் 3 மீட்டர் ஸ்ப்ரிங் போர்டு பல்டி இறுதி போட்டியில் சீனா வீராங்கனைகள் வு மின்க்சியா மற்றும் ஹெ ஜி ஆகிய இருவரும் உள்நோக்கி பல்டி அடித்து முறையே 414 , 379 .20 புள்ளிகள் பெற்று தங்கம் மற்றும் வெள்ளி பதக்கத்தை தட்டிச்சென்றனர்.
மெக்ஸிகோவின் லார சான்செஸ் 362 .40 பல்டி புள்ளிகள் எடுத்து வெண்கலப் பதக்கத்தை பெற்றார்.