FTC Forum
தமிழ்ப் பூங்கா => கவிதைகள் => Topic started by: Anu on July 04, 2012, 01:56:54 PM
-
நினைவின் இமைகளில்
ஒவ்வொரு முறையும்
அமர்த்துகிறாய்
ஒரு துளி உற்சாகத்தை
அந்த முதல் சந்திப்பினைப்போலவே!
***
உதிர அணுக்களில்
வியர்வை உப்புக்களில்
முத்த ஈரத்தில்
கருவிழியின் வெளிச்சத்தில் …
இடையறக் கலந்திருக்கும்
இனிய மாயம் ஒருபோதும்
புரிவதேயில்லை…
***
என்னை நீயும்
உன்னை நானும்
அறியும் முன்னேயும்
கடந்து போயிருக்கின்றன
எத்தனையோ பிறைகள்…
என்னை நீயும்
உன்னை நானும்
அறிந்த பின்னும்
கடந்து போகின்றன
எத்தனையோ பிறைகள்
வண்ணங்களைத் தூவியபடி
-
என்னை நீயும்
உன்னை நானும்
அறிந்த பின்னும்
கடந்து போகின்றன
எத்தனையோ பிறைகள்
வண்ணங்களைத் தூவியபடி
அருமை
வரிகளில் அழகு மிளிர்கின்றது