FTC Forum
Special Category => சமையல் கலசம் => Topic started by: MysteRy on December 08, 2016, 09:54:47 PM
-
சுவையான வாழைப் பழ இனிப்பு உருண்டை
(https://friendstamilchat.in/forum/proxy.php?request=http%3A%2F%2Ffriendstamilmp3.com%2Fnewfiles%2FFOOD%2Felum.jpg&hash=c2aa162dd0b87ffd1b5c633ab088efd1b46eab71)
தேவையான பொருட்கள் :
பாதி கனிந்த வாழைப்பழம் – 2 (செவ்வாழை)
துருவிய தேங்காய் – ½ கப்
பனை வெல்லம் தூளாக்கியது – ½ கப்
ஏலக்காய் பொடி – ¼ டீஸ்பூன்
முந்திரி, திராட்சை, நெய் – தேவையான அளவு
செய்முறை :
* பாதி கனிந்த செவ்வாழைப்பழத்தை தோலுடன், புட்டு வேக வைப்பது போல ஆவியில் வேக வைத்து கொள்ளவும். பிறகு அதன் தோலை உரித்து அதிலுள்ள விதைகளை நீக்கி தண்ணீர் சேர்க்காமல் அதைப் பிசைந்து தனியே வைத்துக்கொள்ளவும்.
* சிறிதளவு தண்ணீரில் பனை வெல்லத்தைச் சேர்த்து, சர்க்கரைப் பாகு எடுத்துக்கொள்ளவும்.
* அந்த பாகில் துருவிய தேங்காயை கலந்துகொள்ளவும். அதனுடன் நெய், ஏலக்காய் பொடி, முந்திரி, திராட்சை கலந்து பூரணமாக செய்துக்கொள்ளவும்.
* வேக வைத்த வாழைப்பழத்தை சிறு உருண்டையாக்கி, அதன் நடுவே இந்தப் பூரணத்தை வைத்து உருண்டைகளாக பிடித்து வைக்கவும்.
* அடுப்பில் கடாய் வைத்து தேங்காய் எண்ணெய் ஊற்றி சூடானதும் அதில் செய்து வைத்த உருண்டைகளை போட்டு பொன்னிறமாக பொரித்து எடுக்கவும்.
* சுவையான வாழைப் பழ இனிப்பு உருண்டை ரெடி!
* கொழுக்கட்டைக்கு செய்யும் இனிப்பு பூரணத்தையும் இதில் வைத்து சமைத்து பார்க்கலாம்.