FTC Forum
Special Category => சமையல் கலசம் => Topic started by: MysteRy on May 22, 2016, 09:26:49 PM
-
பிராமண சமையல் முருங்கைக்கீரை சாம்பார்
முருங்கைக்கீரை- 2 கோப்பை அளவு,
துவரம் பருப்பு- 150 கிராம்,
தக்காளி- 4,
வெங்காயம்-5,
பச்சை மிளகாய்-3,
சாம்பார் பொடி- தேவையான அளவு,
பூண்டு- சிறிதளவு,
தேங்காய் துருவல்- சிறிதளவு,
மஞ்சள்- சிறிதளவு,
சீரகம், கடுகு, உளுந்தம் பருப்பு- தலா ஒரு தேக்கரண்டி,
சமையல் எண்ணெய், மிளகாய் வத்தல், உப்பு- தேவையான அளவு.
(https://friendstamilchat.in/forum/proxy.php?request=http%3A%2F%2Fpattivaithiyam.net%2Fwp-content%2Fuploads%2F2015%2F10%2Fkeerai-sambarmurungai-keerai-sambar-recipe-in-tamil-tamil-cooking-tips-murungai-keerai-sambarmurungai-keerai-sambar-seimuraimurungai-keerai-sambar-seivathu-eppadi-e1446105653836.jpg&hash=2231efee3f2d77d46eed3d9e8a57462a1ac82ba7)
செய்முறை:-
• கீரையை சுத்தம் செய்து கொள்ள வேண்டும்.
• அடுப்பில் வாணலியை வைத்து, தேவையான தண்ணீரில் பருப்பை வேகவிட வேண்டும்.
• வெங்காயம், தக்காளி, மிளகாயை நறுக்கி வைத்துக் கொள்ளவும்.
• தேங்காய் துருவல், வத்தல், பூண்டு, சீரகம், மஞ்சள் ஆகியவற்றை அம்மியில் அரைத்து, விழுதாக எடுத்துக் கொள்ளவும்.
• பருப்பு வெந்த பின்னர், அதை நன்றாக கிளறி விட்டுக்கொண்டே கீரையை அதில் போட வேண்டும்.
• கீரையும், பருப்பும் வெந்த பின்பு, சாம்பார்பொடியை போட வேண்டும். அரைத்த விழுதையும், போட்டு நன்றாக கலக்கவும்.
• தேவையான உப்பு சேர்த்து, நறுக்கிய வெங்காயம், தக்காளி, மிளகாய் போட்டு மூடி வைத்திட வேண்டும். மீண்டும் ஒரு கொதி நிலைக்கு வந்ததும், மூன்று முறை தொடர்ந்து கிளறி விடுங்கள்.
• மற்றொரு கடாயில் எண்ணெய் ஊற்றி காய்ந்ததும் கடுகு, உளுந்தம் பருப்பு, கறிவேப்பிலை போட்டு தாளித்து, சாம்பாருடன் சேர்த்தால், முருங்கைக்கீரை சாம்பார் தயார் ஆகிவிடும்.