FTC Forum
Special Category => சமையல் கலசம் => Topic started by: MysteRy on February 17, 2016, 09:51:42 PM
-
உருளைக்கிழங்கு குருமா
(https://friendstamilchat.in/forum/proxy.php?request=http%3A%2F%2Fvijaytamil.net%2Fwp-content%2Fuploads%2F2016%2F02%2Fkuru-uru.jpg&hash=3af4e6c473ec5b537538f150d3f1452c1a59777e)
தேவையான பொருட்கள்:
உருளைக்கிழங்கு – கால் கிலோ
தக்காளி – 2
பெரிய வெங்காயம் – 3
பச்சைமிளகாய் – 8
கசகசா – 2 தேக்கரண்டி
சோம்பு – 2 தேக்கரண்டி
தேங்காய் – 2 சில்லு
பட்டை – ஒரு துண்டு
எண்ணெய் – 2 மேசைக்கரண்டி
எலுமிச்சம்பழம் – அரை மூடி
மஞ்சள் பொடி – அரைத் தேக்கரண்டி
உப்பு – தேவையான அளவு
செய்முறை:
கசகசா, தேங்காய், சோம்பு ஆகியவற்றை சேர்த்து அரைத்துக் கொள்ளவும்.
உருளைக்கிழங்கினை அவித்து தோல் உரித்து, 4 அல்லது 6 பாகங்களாய் நறுக்கிக் கொள்ளவும்.
ஒரு பாத்திரத்தில் எண்ணெய் ஊற்றி பட்டை, நறுக்கிய வெங்காயம், மிளகாய் போட்டு வதக்கவும்.
அதனுடன் தக்காளியையும் சேர்த்து வதக்கவும். பிறகு மஞ்சள் பொடி மற்றும் அரைத்த மசாலாவைப் போட்டு சிறிது நீர் ஊற்றிக் கொதிக்க விடவும்.
சற்று கொதித்தவுடன் உருளைக் கிழங்கினையும், உப்பையும் போட்டு குருமா கெட்டியானவுடன் இறக்கவும்.
இறக்கும் போது 2 அல்லது 3 துளி எலுமிச்சை சாறு பிழிந்து இறக்க வேண்டும்.