FTC Forum
Special Category => சமையல் கலசம் => Topic started by: MysteRy on November 05, 2015, 08:33:13 PM
-
ரவை முறுக்கு
தேவைப்படும் நேரம்: 30 நிமிடங்கள். எண்ணிக்கை: 15 முறுக்கு.
(https://friendstamilchat.in/forum/proxy.php?request=http%3A%2F%2F3.bp.blogspot.com%2F-4n99uNow1IE%2FVjnGEnvpD1I%2FAAAAAAAAPr0%2FmNS8nQgoNHA%2Fs1600%2Fravai%252Bmurukku.jpg&hash=ebbd099f872573e16f93206a4b808f5423f4f3d0)
தேவையானவை:
அரிசி மாவு - கால் கப்
ரவை - கால் கப்
தண்ணீர் - 1 கப் (ரவை வேக வைக்க)
உப்பு - தேவையான அளவு
பெருங்காயத்தூள் - 2 சிட்டிகை
எள் - 2 சிட்டிகை
சீரகம் - 2 சிட்டிகை
வெண்ணெய் - 1 டீஸ்பூன்
சூடான எண்ணெய் - 1 டேபிள்ஸ்பூன்
எண்ணெய் - பொரிப்பதற்கு தேவையான அளவு
செய்முறை:
ரவையை வறுக்காமல் மிக்ஸியில் ஒரு சுழற்று சுழற்றி எடுக்கவும். ஒரு கப் தண்ணீரைக் கொதிக்க வைத்து அதில் ரவை சேர்த்து குறைந்த தீயில் வேக விடவும். ரவை நன்கு வெந்து தண்ணீர் முழுவதும் வற்றியதும் அடுப்பை அணைத்து ஆற விடவும். அகலமான பாத்திரத்தில் வேகவைத்த ரவை, அரிசி மாவு, சூடான எண்ணெய், வெண்ணெய், பெருங்காயத்தூள், உப்பு, சீரகம், எள் சேர்த்து சிறிது தண்ணீர் தெளித்து மிருதுவான மாவாகப் பிசையவும். வாணலியில் எண்ணெய் ஊற்றி காய வைத்து மாவை தேன்குழல் ஆச்சு அல்லது முள்ளு முறுக்கு அச்சு (ஸ்டார் அச்சு) மூலம் பிழியவும். முறுக்கு இருபுறமும் வெந்து எண்ணெயின் சலசலப்பு ஓசை அடங்கியதும் எடுத்தால், மொறு மொறுப்பான ரவை முறுக்கு தயார்.
குறிப்பு:
ரவை நன்கு ஆறியவுடன் முறுக்கு செய்யவும்.