FTC Forum

தமிழ்ப் பூங்கா => கவிதை நிகழ்ச்சி - ஓவியம் உயிராகிறது => Topic started by: MysteRy on October 04, 2014, 11:16:55 PM

Title: ஓவியம் உயிராகிறது - நிழற்படம் எண் - 075
Post by: MysteRy on October 04, 2014, 11:16:55 PM

நிழல் படம் எண் : 075
இந்த களத்தின்இந்த  நிழல் படம் sameeraஅவர்களால்  வழங்கப்பட்டுள்ளது   ... ..... இந்த படத்திற்கு உங்கள் கவிதைகளால் உயிர் கொடுங்கள்...
.

உங்கள் கவிதைகளை எதிர் வரும் வியாழக்கிழமை GMT நேரம் 3:00 PM இக்கு முன்னதாக பதிவு செய்யவும்

(https://friendstamilchat.in/forum/proxy.php?request=http%3A%2F%2Ffriendstamilchat.org%2Fnewfiles%2FOVIYAM%2520UYIRAAGIRATHU%2F075.jpg&hash=3f88e3419137590e47413b1f5ea0a5046d309d13)

Title: Re: Re: ஓவியம் உயிராகிறது ( படம் பார்த்து கவிதை கிறுக்கு ..)
Post by: thamilan on December 22, 2014, 01:17:07 PM

உதயமென்பது விண்ணிலில்லை
உன் நெஞ்சினிலே
உலகம் என்பது மண்ணிலில்லை
உன் தோள்களிலே
சிகரமென்பது  மலையிலில்லை
உன் பணிவினிலே

ஒரு துளி அன்பு
ஒரு துளி நேயம்
ஒரு சிறு பாராட்டு
இது போதும் நட்புக்கு

விரிகிற வானம்
பெருகிய சூரியன்
நிறைகிற வெளிச்சம்
இது அனைத்துமே
நட்புக்கு முன்னாள் சிறிதே

பாடு சிரி பறவையாய் திரி
துயரத்தை தூர எறி
துள்ளித் குதித்து
வானத்தைத் தொடு

நண்பன் ஒருவன் கூட இருந்தால்
வானம் உனது வசமாகும்
வையம் உனக்கு தலை வணங்கும்  

Title: Re: Re: ஓவியம் உயிராகிறது ( படம் பார்த்து கவிதை கிறுக்கு ..)
Post by: பவித்ரா on June 30, 2015, 10:57:17 PM

 கூடா நட்பு கேடாய் முடியும்
இது யோசிக்க வேண்டிய விஷயம்
இவ்வுலகில் நாம்  கேட்க காண பகிர
ஆரோக்கியமான விஷியங்கள்
ஆயிரம் உண்டு நண்பர்களே  !

சிலருக்கு கணவன் மனைவி தேர்ந்தெடுக்க
 உரிமை இல்லாத போதும்
 நல்ல நட்பை தேர்ந்தெடுக்க
 தடை சொல்வதில்லை  யாரும் ..!

உன் வாழ்நாளில் இவன் என் நட்புக்கு
  தகுதியானவன் என்று தோன்றும்
 நம்பிக்கைக்குரிய ஒரு நல்ல நட்பு கொள்
 அதுவே உன் மிக பெரிய சொத்து !!

அப்படி ஒரு நல்ல நட்பு கிடைத்தால்
அதை யாருக்காவும்  விட்டு கொடுக்காதே,
மனம் துவண்டு நீ நிற்கும் நேரம்
தூணாக வந்து துணை நிற்பான்..!

இயலாத குழந்தையை  தாங்கும் தாய் போல
உன்னை அரவணைத்து
உன்னை உனக்கே அடையாளம் காட்டுவான்
உனக்குள் இருக்கும் திறமையை
வெளிக்கொண்டு வருவான் ..!


உன் வெற்றியை அவன் வெற்றியாய்
கொண்டாடுவான்
உன்னை போட்டியாக கருதமாட்டான்
யாதொரு தீங்கும் உன்னை நெருங்காமல்
பார்த்திருந்து காப்பான்
 நீ  எட்ட நினைக்கும் தூரத்தை
கரம் கோர்த்து
உன்னை சாதிக்க வைப்பான் ..!


நல்ல நட்பிலே என்றும் சுயநலம் இருக்காது
நட்பு என்றுமே மனதை பலப்படுத்தும்
வாழ்க்கையை மேம்படுத்தும்
எந்த உறவு இல்லாமலும் வாழ்ந்து விடலாம்
ஒரு நல்ல நட்பு உடன் இருந்தால்..!

Title: Re: Re: ஓவியம் உயிராகிறது ( படம் பார்த்து கவிதை கிறுக்கு ..)
Post by: Dong லீ on July 01, 2015, 10:55:23 PM

நிழலை அலசிய
நதியின் மடிநின்று
மனதை அலசிய
நட்பின் கணங்களை
எண்ணுகிறேன்
 உதட்டிலும் மனதிலும்
 புன்னகை
பல அடுக்கு மடிப்பிதழ்களாய்
உள்ளத்தில் படர்ந்த
எண்ணங்கள்
எல்லையில்லா அமைதியை
அள்ளித் தெளிக்கிறது
உலகில் எந்த ஓர்
மூலைக்கு போனாலும்
தாய் தந்தை
இன்ன பிற
ரத்த பந்தத்தால் ஆன
உறவுகளை பெற இயலவில்லை
ஆனால் அங்கும் ஓர்
நட்பு எனக்காக அமைகிறது
நதியின் உருவில்.
நட்பின் நினைவலைகளை
பிரதிபலிக்கும் நதியும்
நண்பனை போல் தான்

இவ்வுலகை சுற்றி
தாமி எடுத்து
சமூக வலைகளில்
நண்பர்களுக்கு பதிவேற்றுவதை விட
நண்பர்களை சுற்றிக்கொண்டு
தாமி எடுத்து
சமூக வலைகளில்
இவ்வுலகுக்கு பதிவேற்றிட
விரும்புகிறேன் நதியே
மெல்ல சிரி
கண் சொடுக்கி
சேமித்து கொள்கிறேன்

Title: Re: Re: ஓவியம் உயிராகிறது ( படம் பார்த்து கவிதை கிறுக்கு ..)
Post by: நிலா on July 03, 2015, 12:31:19 AM

ப்ரியசகி...

உக்கிர வெய்யிலில்
உச்சி குளிர மெத்தனமாய்
மெல்ல நடை போட்டோம்!

கை கோர்த்துக் கொஞ்சம்
கனவுலகில்  சஞ்சரித்தோம்!

இருவர்க்கும் பொதுவாய்
எத்தனை எத்தனையோ!

இலக்கியப் பித்து
LKG சிநேஹிதர்கள்
நிலா காயும் நேரம்
நெடுநடைப் பயணம்...

இவற்றுக்கெல்லாம்
இப்போது இடம்  இல்லை!

சற்றே உரக்க விளித்தால்
உடன் வந்து நிற்க -  அன்று போல்
என் பக்கத்து வீட்டிலும்  நீ இல்லை!

நம் தோழமை மட்டும்
எப்போதும்
என் மனதின் பக்கமாய்!

நேரமோ தூரமோ
நட்பின் தடையென
நம்பியதில்லை நாம்!

கண்ணில் படாத
ஏதும் கருத்திலே
நிலைப்பதில்லை என
நட்பறியா நல்லவர்
யாரோ
உளறிச் சென்றதை
உருப்போட்டதும் இல்லை நாம்!

நம் பால்யம் சுமந்து வரும்
உன் கடிதங்கள்
உறைமீது ஒட்டியிருக்கும்
உன் புன்னகை

நீ ரசித்த உலகை
நான் ரசிக்கக் கடை விரிக்கும்
உன் குண்டுக் கையெழுத்து

இவையெல்லாம் தான்
நம்மிடை வந்து சென்ற
சில பல வருடப் பிரிவை
இல்லை யென்றாக்கியவை !

வெறும்
'பேனா' நட்பன்று நமது -
உறவைப் 'பேணும் நட்பு'!

Title: ஓவியம் உயிராகிறது - நிழற்படம் எண் - 071
Post by: Maran on July 07, 2015, 12:45:30 PM

(https://friendstamilchat.in/forum/proxy.php?request=http%3A%2F%2Fi1117.photobucket.com%2Falbums%2Fk600%2FMadrasMARAN%2FPoems%2FOviyam_zpsqts0wckz.png&hash=4213f4ebb9cf8e6b6a95b697dacbc33cd32dd30e)
(https://friendstamilchat.in/forum/proxy.php?request=http%3A%2F%2Fi1117.photobucket.com%2Falbums%2Fk600%2FMadrasMARAN%2FPoems%2FOviyam1_zpsjf93tumu.png&hash=4848065b21d9b91c384407e6c93b2b84642d974a)