வர இருக்கிறது விண்டோஸ் 9
(https://friendstamilchat.in/forum/proxy.php?request=http%3A%2F%2F4.bp.blogspot.com%2F-c6Tr4Jyiquc%2FU52DTj4sTWI%2FAAAAAAAAUrA%2FTY_xZjMPDPM%2Fs1600%2FE_1402307889.jpeg&hash=840843a7f4bdb5788ed047d4fca08bceef33c7b2)
மிகப் பெரியஎதிர்பார்ப்புகளுடனும், முற்றிலும் மாறுபட்ட தொழில் நுட்பத்துடனும் வெளியிடப்பட்ட விண்டோஸ் 8 மக்களின் ஆதரவினைப் பெறுவதில் வெற்றி அடையவில்லை.
வழக்கமான இயக்கத்தில், முற்றிலுமாக மாறுபட்ட மாறுதல்களை மேற்கொள்ள பயனாளர்கள் தயங்கினார்கள்.
விண்டோஸ் 8.1 மற்றும் அதற்கான அப்டேட் வந்தும் கூட, விண்டோஸ் 8 பயனாளர்களின் எண்ணிக்கை இன்னும் எதிர்பார்த்தபடி உயரவில்லை.
விண்டோஸ் 8 மூலம், பெர்சனல் கம்ப்யூட்டர்களையும், டேப்ளட் பி.சி.க்களையும் ஒருங்கிணைக்க மைக்ரோசாப்ட் மேற்கொண்ட முயற்சிகளுக்கு, மக்கள் அவ்வளவாக ஆதரவினை அளிக்கவில்லை.
எனவே, அடுத்த ஆண்டின் முதல் ஆறு மாத காலத்தில், விண்டோஸ் 9 என்னும் அடுத்த தொகுப்பினை, மக்களுக்கு பயன்படுத்தி பார்க்க சோதனை முறையில் மைக்ரோசாப்ட் வழங்கும் என்று எதிர்பார்க்கப்படுகிறது.
சீன நிறுவனம் ஒன்று இதனை அறிவித்துள்ளது. ஆனால், இது குறித்த கூடுதல் தகவல்கள் எதனையும் அந்நிறுவனம் அறிவிக்கவில்லை.