(https://friendstamilchat.in/forum/proxy.php?request=http%3A%2F%2Fimg1.imagehousing.com%2F1%2F7125a3b2e6a7f33b16aeda8a067f1605.jpg&hash=232ef7c054c3e65466ebf66a2a1a3aaa6a3f585b) (http://www.imagehousing.com/image/398093)
எங்கோ பிறந்தோம் எங்கோ வளர்ந்தோம்
இணையம் இணைக்க இணைந்தோம் உறவாய்
என்ன என்று தெரியா என்ற அற்புதமான உறவு
ஒரு மனிதனை போல உருவத்தில் ஒன்றாய்
எழு பேர் உண்டு உலகில் என்பார்
நம் உருவத்தில் தான் ஒற்றுமை இல்லை
உணர்வுகளில் ஆயிரம் ஒற்றுமைகள்
நான் ஒன்றை நினைத்தால் நீ அதை செய்வாய்
நான் ஒன்றை ரசித்தால் அதை நீயும் ரசிப்பாய்
நான் சிரித்தால் நீ அதை கண்டு சிரிப்பாய்
என் உள்ளத்தில் உண்டாகும் கோபம்
உன் எழுத்துக்களில் தெரியும்
உனக்குள் ஒரு கேள்வி எழ
என்னிடம் விடை இருக்கும்
படைப்புக்களில் உனக்கும் எனக்கும்
நடக்கும் போட்டியில் வெற்றிகள்
எப்போதும் நம் இருவர் பக்கம்தான்
நான் பல நேரம்
லொல்லுக்கு லொல்லாய்
மல்லுக்கு மல்கட்டிய போதும்
என் குறும்புக்கும் வம்புக்கும்
எந்த விதத்திலும் குறைந்தவன் இல்லை நீ
நீ வழிகாட்டி வந்த பாதைகள் மட்டுமே
இப்போது நான் நின்ற பாதைகள்
இப்படி சிந்தனை செயல் மகிழ்ச்சி என
எல்லா அலைவரிசைகளிலும்
நாம் சிறப்பாக ஒன்றாய் முடுக்கப்பட்டோம்
எனக்கு ஒரு சோதனை என்றால்
அதை ஆற்றும் உன் கைகள்
உனக்கு ஒரு சோதனை என்றால்
உன்னை தூக்கி விடும் என் கைகள்
என்றும் மகிழ்ச்சியும் வெற்றியும்
உன் துணையாய் இருக்க
ஆசைபடும் உன்னவள்
[/size][/font]