ஹிப் டிவிஸ்டர் ஸ்டிக் வொர்க் அவுட்ஸ் --- உடற்பயிற்சி
(https://friendstamilchat.in/forum/proxy.php?request=http%3A%2F%2Fmmimages.maalaimalar.com%2FArticles%2F2013%2FSep%2F5e3ed47b-7774-43e7-ab28-73a2d47dda46_S_secvpf.gif&hash=978e29ab989d294ce351957aac537f2c553fb0ee)
உடலை வளைத்து வேலை செய்வது இப்போது வெகுவாக குறைந்துவிட்டது. விளைவு உடலில் ஆங்காங்கே தேவையற்ற இடங்களில் தசைகள் அதிகரித்து அழகைக் கெடுத்துவிடுகிறது. தசைகளைக் கரைக்ககூடிய சில எளிய பயிற்சியை பார்க்கலாம்..
இந்த பயிற்சி செய்பவர்கள் அவர்களில் உயரத்திற்கு ஏற்ற குச்சியை பயன்படுத்த வேண்டும். முதலில் விரிப்பில் இரண்டு கால்களையும் அகட்டி, கைகளைப் பக்கவாட்டில் நீட்டி குச்சியை கழுத்துக்குப் பின்புறம் பிடித்தபடி நிற்கவும். வலது கை, வலது காலைத் தொடுவதுபோல் வளைத்து, திரும்பவும் பழைய நிலைக்கு வரவும். இதுபோல் 30முறை செய்யவும். இதேபோல் இடது பக்கமும் 30 முறை செய்யவேண்டும்.
இரண்டு கால்களையும் அகட்டி, கைகளைப் பக்கவாட்டில் நீட்டி குச்சியை கழுத்துக்குப் பின்புறம் பிடித்தபடி நிற்கவும். இடது காலை முன்னால் வைத்து, வலது கையை குச்சியுடன் சேர்த்து முன்னால் கொண்டு வரவும். இதுபோல் 20 முறை இடது மற்றும் வலது என இருபுறமும் செய்யவும்.
பலன்கள்: இடுப்புப் பகுதியில் உள்ள தேவையில்லா தசைகள் குறையும். இடுப்பு நரம்புகள் வலுவடையும். இடுப்புப் பகுதியின் பக்கவாட்டுத் தசைகள் கரைந்து, வயிறும் இடையும் மெலிந்துவிடும்.