FTC Forum
Special Category => சமையல் கலசம் => Topic started by: kanmani on June 28, 2013, 11:05:06 PM
-
முட்டை - 4
மைதா மாவு - 6 மேசைக்கரண்டி
கொக்கோ பவுடர் - 3 மேசைக்கரண்டி
சீனி - 4 மேசைக்கரண்டி
ஐசிங்கிற்கு:
ஐசிங் சுகர் - 150 கிராம்
பட்டர் - 2 தேக்கரண்டி
கொக்கோ பவுடர் - 2 தேக்கரண்டி
வெனிலா எசன்ஸ் - ஒரு தேக்கரண்டி
பால் - தேவையான அளவு
பேக்கிங் ட்ரேயில் ஆயில் பேப்பர் போட்டு தயாராக வைக்கவும். மைதா மாவுடன் கொக்கோ பவுடர் சேர்த்து சலித்து கொள்ளவும். ஐசிங் சுகருடன் கொக்கோ பவுடரை சேர்த்து சலித்து, பட்டர், வெனிலா எசன்ஸ் மற்றும் தேவைக்கேற்ப பால் சேர்த்து ஐசிங் தயார் செய்யவும். ஒரு பவுலில் சீனியையும், முட்டையையும் எடுத்துக் கொள்ளவும்.
சீனியையும், முட்டையையும் சேர்த்து நன்கு பொங்கி வரும் வரை பீட்டரால் அடித்துக் கொள்ளவும். (முட்டை, சீனிக் கலவை எவ்வளவு பொங்குகிறதோ அந்த அளவிற்கு கேக் மென்மையாக இருக்கும்).
அதனுடன் மைதா, கொக்கோ கலவையை சேர்த்து, மெதுவாக கலந்து கொள்ளவும். (அதிகமாக கலக்கினால் கேக் மென்மையாக இருக்காது).
தயார் செய்த கலவையை கேக் ட்ரேயில் ஊற்றி, 160c க்கு முற்சூடு செய்த அவனில் வைத்து 7 – 10 நிமிடங்கள் பேக் செய்து எடுக்கவும். (அவனை பொறுத்து நேரம் வேறுபடலாம்). ஒரு கத்தியால் கேக்கை மெதுவாக பேப்பரிலிருந்து எடுக்கவும்.
லேசான சூடு இருக்கும்போதே கேக்கின் மீது ஐசிங்கை பூசி மெதுவாக ரோல் செய்யவும்.
ரோல் செய்த கேக்கை ஆயில் பேப்பரில் சுற்றி, பின் நியூஸ் பேப்பரில் இறுக சுற்றி, ஒரு மணித்தியாலம் பிரிட்ஜில் வைத்து துண்டுகள் போட்டு பரிமாறவும்.
டேஸ்டி & ஈஸி சாக்லெட் ரோல் கேக் தயார்.
முட்டையை அடிக்கும்போது பீட்டரிலும், பவுலிலும் ஈரம் இல்லாமல் பார்த்துக் கொள்ளவும். துளி ஈரம் இருந்தாலும் முட்டை பொங்கி வராது. கேக்கிற்கு மாவு, சீனி, கொக்கோ பவுடர் அளக்கும் போது குவித்து அளக்க வேண்டாம். மட்டமாகவே பொருட்களை அளந்து எடுத்துக் கொள்ளவும். பீட் செய்த உடனேயே கேக்கை பேக் செய்துவிடவும். அதிக நேரம் வெளியே வைத்திருக்க வேண்டாம். கேக்கை ப்ரிட்ஜில் வைத்து கூலாக சாப்பிட்டால் தான் சுவையாக இருக்கும்.