நாசா வெளியிட்ட செய்தி

[mandakasayam]

      வாஷிங்டன்: சுமார் 4000 ஒளி ஆண்டுகள் தொலைவில் இருக்கும் ஒரு கிரகத்தை ஆய்வாளர்கள் கண்டுபிடித்துள்ளனர். சூரியன் எப்படியும் ஒரு காலத்தில் அழிந்து தான் போகும்.. அந்த நேரத்தில் மனிதர்கள் சூரியக் குடும்பத்தைத் தாண்டி வெளியே செல்வார்கள் என்று எதிர்பார்க்கப்படும் நிலையில், இந்த கண்டுபிடிப்பு முக்கியமானதாக இருக்கும்.

4000 ஒளி ஆண்டுகள்: அதாவது சூரியக் குடும்பத்திலிருந்து சுமார் 4,000 ஒளி ஆண்டுகள் தொலைவில் ஒரு கிரகத்தை ஆய்வாளர்கள் கண்டித்துள்ளனர். ஒளி ஆண்டுகளாக அப்படி என்றால் என்ன என்ற சந்தேகம் உங்களுக்கு வரலாம்.. ஒளியின் வேகத்தில் ஓராண்டு பயணித்தால் எவ்வளவு தூரத்தை அடைய முடியுமோ.. அதுதான் ஒளி ஆண்டு என்று அழைக்கப்படுகிறது. அதன்படி ஒளியின் வேகத்தில் சுமார் 4000 ஆண்டுகள் பயணித்தால் இந்த கிரகத்திற்குச் சென்றடைய முடியும்.

இந்த கிரகம் நமது பூமியைப் போலவே இருப்பதாகவும் பூமியைப் போலவே அதுவும் ஒரு நட்சத்திரத்தைச் சுற்றி வருவதாகவும் ஆய்வாளர்கள் தெரிவித்துள்ளனர். இந்த கிரகம் பாறைகள் நிரம்பியதாக இருக்கலாம் என்றும் இது கிட்டதட்ட பூமியின் எடை கொண்டதாகவே இருப்பதாகவும் ஆய்வாளர்கள் கூறுகிறார்கள். அந்த கிரகம் white dwarf நட்சத்திரமான சாகிட்டாரிஸை சுற்றி வருவதாக ஆய்வாளர்கள் சொல்கிறார்கள்.
   
     சரி white dwarf என்றால் என்ன.. ஒரு நட்சத்திரத்தில் உள்ள எரிபொருள் முழுமையாகத் தீர்ந்து அதன் வெளிப்புற அடுக்கு உதிர்த்த பிறகு இருக்கும் எச்சத்தை தான் white dwarf என்று ஆய்வாளர்கள் குறிப்பிடுகிறார்கள். அப்படி இருக்கும் ஒரு நட்சத்திரத்தைத் தான் இப்போது கண்டுபிடிக்கப்பட்ட கிரகம் சுற்றி வருகிறது. சூரியனின் எரிபொருளும் மொத்தமாக காலியாகி இதுபோலத் தான் மாறும் என்றே ஆய்வாளர்கள் சொல்கிறார்கள்.